ޣައްޒާގައި އިސްރާއީލުން ހިންގަމުންދާ ލާއިންސާނީ އުދުވާނުގެ ސަބަބުން ނަފްސާނީ ގޮތުން ބަލިކަށިވެފައިވާ ރައްޔިތުންނަށް، ފުޓުބޯޅަ މެޗުތައް ބަލައިލުމުގެ ފުރުޞަތު ފަހިކޮށްދެއްވި މިޞްރުގެ އެހީދޭ ޖަމްޢިއްޔާގެ އިސްވެރިޔާ މުޙައްމަދު އަލް-ވާޙީދީ އިސްރާއީލުގެ ހަމަލާއެއްގައި ޝަހީދުކޮށްލުމުން، އެތައް ސަތޭކަ ބަޔަކު އޭނާގެ ޖަނާޒާގައި ބައިވެރިވެ ހިތާމަފާޅުކޮށްފިއެވެ.

ވާޙީދީ ޝަހީދުވީ އޭނާ ދަތުރުކުރި ޓެކްސީއަށް އިސްރާއީލުގެ އަސްކަރިއްޔާއިން ދިން ނުރައްކާތެރި ވައިގެ ހަމަލާއެއްގައެވެ. ޣައްޒާގެ ސިއްޙީ އިދާރާތަކުން މަޢުލޫމާތު ދޭ ގޮތުގައި، މިޞްރާއި އާޖެންޓީނާ ބައްދަލުކުރި މެޗުގެ ކުރީ ރޭ ދިން މި ހަމަލާގައި ވާޙީދީގެ އިތުރުން ސަބްރާ އަވަށުގެ އުމުރުން 8 އަހަރާއި 10 އަހަރުގެ ދެ ކުޑަކުދިން ހިމެނޭހެން ޖުމްލަ ހަތަރު މީހަކު ވަނީ މަރުވެފައެވެ.

Ad by Hajj Corporation

ދިގުލައިގޮސްފައިވާ ހަނގުރާމައިގެ ސަބަބުން ސުންނާފަތިވެފައިވާ ޣައްޒާގެ އެކި ސަރަޙައްދުތަކުގައި ބޮޑު ސްކްރީންތައް ބަހައްޓައިގެން މެޗުތައް ބެލޭނެ އިންތިޒާމު ހަމަޖެއްސުމަކީ، ހިތްދަތި ހާލުގައި ތިބި ފަލަސްޠީނުގެ ރައްޔިތުންނަށް ލިބުނު ބޮޑު ހިތްހަމަޖެހުމެކެވެ. ވާޙީދީގެ ދަރިފުޅު ފަވާޒް ބުނި ގޮތުގައި، "އޭނާގެ ބައްޕަގެ މަޤްޞަދަކީ ފޭލިގެތަކުގައި ދިރިއުޅޭ ނިކަމެތި ރައްޔިތުންނަށް ކުޑަ ނަމަވެސް އުފާވެރިކަމެއް ހޯދައިދިނުން" ކަމަށެވެ.

އިސްރާއީލުގެ އަސްކަރިއްޔާއިން މި ހަމަލާގެ ޒިންމާ އުފުލަމުން ބުނީ، އެމީހުންގެ އަމާޒަކީ ޙަމާސްގެ ހަނގުރާމަވެރިއެއް ކަމަށެވެ. ނަމަވެސް އެއީ ކާކުކަން ހާމަކުރަން އެ މީހުން ވަނީ އިންކާރުކޮށްފައެވެ. މިޞްރުގެ ސަރުކާރުން ވަނީ ވާޙީދީއަކީ އެ ޤައުމުގެ ރަސްމީ އެހީދޭ އިދާރާގެ އިސް މަސްއޫލުވެރިއެއްކަން ކަށަވަރުކ