އީރާނުގެ ތެލުގެ ވިޔަފާރިއާ ގުޅިފައިވާ ކުންފުނިތަކަށް އެމެރިކާއިން ދަތިކުރުމުގެ ފިޔަވަޅު އަޅައިފި

ފޮޓޯ--- ދަ ކްރޭޑަލްސް
.jpg&w=3840&q=75)
12 އޮކްޓޯބަރު 2024 - 06:35
އީރާނުން މިދިޔަ އޮކްޓޯބަރު މަހުގެ އެއްވަނަ ދުވަހު އިސްރާއީލަށް ދިން މިސައިލް ހަމަލާއާ ގުޅިގެން އެމެރިކާއިން ވަނީ އީރާނުގެ ތެލުގެ ވިޔަފާރީގައި ހަރަކާތްތެރިވާ ކުންފުނިތަކާއި އުޅަނދުތަކަށް އާ ދަތިކުރުމުގެ ފިޔަވަޅުތަކެއް އަޅާފައެވެ.
އެމެރިކާގެ ޓްރެޝަރީ އެންޑް ސްޓޭޓް ޑިޕާޓްމަންޓުން މިދިޔަ ހުކުރު ދުވަހު އިއުލާނުކުރީ އީރާނުގެ ތެލާއި ޕެޓްރޯކެމިކަލް ދާއިރާއަށް އަމާޒުކޮށް އަޅާފައިވާ ދަތިކުރުމުގެ ފިޔަވަޅުތަކުގެ ބޭނުމަކީ އީރާނުގެ މިސައިލާއި ނިއުކްލިއާ ޕްރޮގްރާމްތަކަށް ދޭ ފައިސާއަށް ހުރަސް އެޅުމެވެ.
މި ފިޔަވަޅުއަޅަން ޖެހުނު ސަބަބެއް ކަމުގައި އެމެރިކާއިން ބުނީ، ހަމާސްގެ ލީޑަރު އިސްމާއިލް ހަނިއްޔާ އަވަހާރަކޮށްލުމާ ގުޅިގެން ބަދަލު ހިފުމުގެ ގޮތުން އީރާނުން އިސްރާއީލަށް ފޮނުވި މިސައިލް ޙަމަލާތަކުގެ ސަބަބުންނެވެ.
އެމެރިކާގެ ޚާރިޖީ ވަޒީރު އެންޓަނީ ބްލިންކެން ވަނީ އީރާނުގެ އަމަލުތައް ކުށްވެރިކުރައްވައި، ދަތިކުރުމުގެ ފިޔަވަޅުތަކުގެ ސަބަބުން އިސްރާއީލުގައި ހަމަނުޖެހުން އުފެދޭ ހަރަކާތްތަށް ފަންޑު ކުރުމުގެ ގާބިލްކަން ތެހެރާނަށް ކުޑަވެގެންދާނެ ކަމަށް ވިދާޅުވެފައެވެ.
އީރާނުގެ ތެލުގެ ސިނާއަތަށް މިހާރުވެސް ބޮޑެތި ދަތިކުރުމުގެ ފިޔަވަޅުތައް އަޅާފައިވީ ނަމަވެސް، މި ފިޔަވަޅުތަށް ތަންފީޒުކުރުން އިތުރަށް ހަރުކަށިވާނެ ކަމުގައި ބެލެވެއެވެ.
އިތުރު ލިޔުންތައް
.jpg&w=3840&q=75)
ދެވަނަ ފަހަރަށް ވެރިކަމަށް އަންނަން ޓްރަމްޕްކުރާ ދަތުރު ފެންނަނީ ބަނަކޮށް
7 މަސް ކުރިން
ޓްރަމްޕް ނޮހޮވިއްޖެނަމަ ދެން ކުރިމަތިލެއްވުމުގެ ވިސްނުމެއްނެތް
6 މަސް ކުރިން
ޔޫއެންގެ ސެކްރެޓަރީ ޖެނެރަލް އިސްތިއުފާ ދިނުމަށް އިސްރާއިލުން ގޮވާލައިފި
6 މަސް ކުރިން