އެމެރިކާގެ މިފަހަރުގެ ރިޔާސީ އިންތިޚާބުން ބަލިވެއްޖެނަމަ އަލުން ވާދަނުކުރައްވާނެ ކަމަށް އެ އިންތިޚާބުގައި ވާދަކުރަށްވާ އެ ޤައުމުގެ ކުރީގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ.

ޓްރަމްޕް ވަނީ ވޭތުވެދިޔަ ތިން ރިޔާސީ އިންތިޚާބުގައި ވެސް ރިޕަބްލިކަން ޕާޓީގެ ކެންޑިޑޭޓްގެ ގޮތުގައި ވާދަކުރައްވާފައެވެ.

Ad by Hajj Corporation

ޑޮނަލްޑް ވަނީ އެމެރިކާގެ ރައީސްގެ އެއް ދައުރު 20 ޖެނުއަރީ 2017 އިން 20 ޖެނުއަރީ، 2021 އަށް ފުރިހަމަކުރައްވާފަ އެވެ.

މިހާރު އުމުރުން 78 އަހަރުގެ، ޓްރަމްޕް ސިންކްލެއަރ މީޑިއާ ގްރޫޕަށް ދެއްވި އިންޓަވިއުއެއްގައި، ނޮވެމްބަރު މަހުގެ އިންތިޚާބުގައި ކަމާލާ ހެރިސްއާ ވާދަކޮށް ބަލިވެއްޖެނަމަ 2028 ގައި އަނެއްކާވެސް ވާދަކުރުމާމެދު ދެކޭގޮތް އެއްސެވުމުން، ޓްރަމްޕް ވިދާޅުވީ "ނޫނެކެވެ. އަހަރެން އެގޮތަކަށް ނުދެކެމެވެ. އެއީ އޭގެ ނިމުމަކަށް ވާނެއެވެ." ކަމަށް ވިދާޅުވެފައެވެ.

އެމެރިކާގެ ޤާނޫނުއަސާސީ ބުނާގޮތުން ރައީސްކަން ކުރެވޭނީ ދެ ދައުރެވެ. އެހެންކަމުން ޓްރަޕް ކުރިން އެއް ދައުރު ފުރިހަމަކުރަށްވާފައިވާތީ، މިފަހަރުގެ އިންތިޚާބު ކާމިޔާބުކުރެއްވިޔަސް 2028 ގައި ވާދައެއް ނުކުރެވޭނެއެވެ.