ކްލައިމެޓް ވަލްނަރަބަލް ފޯރަމް (ސީވީއެފް) ގެ ސެކްރެޓަރީ ޖެނެރަލްގެ މަގާމު ފުރިހަމަ ކުރެއްވުމަށް ފަހު، ކުރީގެ ރައީސް މުހައްމަދު ނަޝީދު ދިރިއުޅުން ރާއްޖެެއަށް ބަދަލުކުރައްވައިފިއެވެ.

ކްލައިމެޓް ވަލްނަރަބަލް ފޯރަމްގެ ސެކްރެޓަރީ ޖެނެރަލްކަން ކުރައްވަން ނަޝީދު ހަވާލުވެވަޑައިގެންނެވީ އެމްޑީޕީގެ ވެރިކަން ނިމުމާއެކު ޑިސެމްބަރު، 2023 ގަ އެވެ. އެއާއެކު، ސީވީއެފްގެ ރިޔާސަތު ބަލަހައްޓާ ގާނާއަށް ޖެނުއަރީ، 2024 ގައި ވަގުތީ ގޮތުން ދިރިއުޅުއްވަން ބަދަލުކުރެއްވި އެވެ.

Ad by Hajj Corporation

އަދި ސިޔާސީ މައިދާނުން ފެޔަށް ޖެހިވަޑައިގެންކަން ނަޝީދު ވަނީ އިއުލާނު ކުރައްވާފައެވެ. ނަމަވެސް ދޭތެރެދޭތެރެއިން ރާއްޖެ ވަޑައިގެން، ބައެއް ސިޔާސީ ހަރަކާތްތަކުގައި އެމަނިކުފާނު ބައިވެރިވެވަޑައިގަންނަވައެވެ. މިދިޔަ 2023ގެ ރިޔާސީ އިންތިހާބު ތެރޭ އުފެދުނު ހިޔާލު ތަފާތުވުންތަކަށް ނަޝީދާއި އަރިސް ބޭފުޅުން ވަނީ އެމްޑީޕީ ދޫކުރައްވައި ދަ ޑިމޮކްރެޓްސްގެ ނަމުގައި ޕާޓީއެއް އުފައްދަވާފައެވެ. ނަމަވެސް މިދިޔަ އަހަރު އަލުން ނަޝީދު ހިމެނިވަޑައިގަންނަވާހެން ގިނަ ބަޔަކު ވަނީ އަލުން އެމްޑީޕީއާ ގުޅިވަޑައިގެންނަވާފައެވެ.