ދުނިޔޭގެ އެންމެ މުއްސަނދި މަހުޖަނު އީލޮން މަސްކާއި އެކްޓްރެސް އެމްބާ ހާޑްގެ ދަރިންނާ ގުޅުވައިގެން ދެކެވެމުންދާ ޒަމާންވީ ވާހަކަތަކެއް އަނެއްކާވެސް ސޯޝަލް މީޑިއާގައި ހޫނުވެއްޖެއެވެ.

މިކަން އަނެއްކާވެސް ފެންމަތިވެފައިވަނީ މަސްކްގެ އަމިއްލަ އޭއައި ޗެޓްބޮޓް، 'ގްރޮކް' އާ ގިނަ ބަޔަކު މި ސުވާލު ކުރަން ފެށުމާ ގުޅިގެންނެވެ.

Ad by Hajj Corporation

ޑެއިލީ މެއިލް އިން ރިޕޯޓްކޮށްފައިވާ ގޮތުގައި، ގްރޮކް އާ މި ސުވާލު ކުރުމުން އެ ބޮޓުން ބުނެފައިވަނީ މިކަމާ ގުޅޭ ގޮތުން ތަފާތު އަޑުތައް ފެތުރިފައިވާ ކަމަށެވެ. އެގޮތުން 2016 އާއި 2018 އާ ދެމެދު މަސްކް އާއި އެމްބާ ބޭއްވި ގުޅުމާއި، އެމްބްރިއޯއަކާ ގުޅޭ ގޮތުން އުފެދުނު ދެބަސްވުމަކާ މިކަން ގުޅުވައިގެން ވާހަކަ ދެކެވޭ ކަމަށް އެ ބޮޓުން ފާހަގަކުރެއެވެ.

"މިކަމާ ގުޅޭގޮތުން އީލޮން މަސްކް ނުވަތަ އެމްބާ ހާޑްގެ ފަރާތުންވެސް ރަސްމީ އެއްވެސް ކަށަވަރުކަމެއް ދީފައެއް ނުވޭ. މިއީ ހަމައެކަނި އާންމުންގެ ތެރޭގައި ދެކެވޭ ވާހަކަތަކެއް،" ގްރޮކް އިން ބުނެފައިވެއެވެ.

އެމްބާ ހާޑް ހޮލީވުޑާ ދުރަށް ޖެހިލައި، ސްޕެއިންއަށް ދިރިއުޅުން ބަދަލުކުރުމާ ގުޅިގެން އޭނާގެ އަމިއްލަ ދިރިއުޅުމަށް އޮތް ޝައުގުވެރިކަން ވަނީ އިތުރުވެފައެވެ. އެމްބާގެ ދަރިންގެ ބައްޕައަކީ ކާކުކަން އޭނާ މިހާތަނަށް ހާމަކޮށްފައި ނުވުމަކީ މި ފަދަ ތިއަރީތައް ސޯޝަލް މީޑިއާގައި ފެތުރުމަށް މެދުވެރިވާ މައިގަނޑު ސަބަބެވެ.

މި މައްސަލައިގައި މިހާތަނަށް މަސްކްގެ ފަރާތުން އެއްވެސް ރަސްމީ ބަހެއް ލިބިފައި ނުވާއިރު، އިންޓަނެޓްގައި މި ވާހަކަ ދެކެވޭ މިންވަރު ދަނީ އިތުރުވަމުންނެވެ.