މިއަހަރުގެ ހައްޖުގެ މަތިވެރި އަޅުކަން އަދާ ކުރުމަށް، ރާއްޖޭން ސައުދީއަށް ދަތުރު ކުރާ ހައްޖުވެރިން ފުރުމަށް ހަމަޖެހިފައިވާ ތާރީހުތަކާއި ފްލައިޓްތަކުގެ މައުލޫމާތު ހައްޖު ކޯޕަރޭޝަނުން އާންމުކޮށްފިއެވެ.

ހައްޖު ކޯޕަރޭޝަނުން އާންމުކޮށްފައިވާ މައުލޫމާތައް ބަލާއިރު، ހައްޖުވެރިން ސައުދީއަށް ދިއުމަށް ހަމަޖެހިފައިވަނީ ހަތަރު ދުވަސްމަތިން ހަތަރު ފްލައިޓެއްގައެވެ.

Ad by Hajj Corporation

ހައްޖުވެރިން ފުރާ ތާރީހާއި ފްލައިޓުގެ ތަފްސީލް:

• 15 މޭއި 2026: ސައުދީ އެއާލައިންސް (ފުރާ ގަޑި: 15:25)
• 17 މޭއި 2026: މޯލްޑިވިއަން (ފުރާ ގަޑި: 07:10)
• 18 މޭއި 2026: ސައުދީ އެއާލައިންސް (ފުރާ ގަޑި: 15:25)
• 19 މޭއި 2026: މޯލްޑިވިއަން (ފުރާ ގަޑި: 09:45)

ދިވެހި ހައްޖު ވެރިންނަށް ފުރިހަމަ އިންތިޒާމުތަކެއް ހަމަޖެހޭނެ ކަމަށް ދިވެހި ހައްޖުވެރިންނަށް ހިދުމަތް ފޯރުކޮށްދިނުމުގައި އެހީތެރިކަން ފޯރުކޮށްދޭ ސައުދި އަރަބިއްޔާގެ މުތައްވިފް، ރަވާފް މިނާއިން ވަނީ ހާމަކޮށްފައެވެ.

ޙައްޖުވެރިންނަށް ފޯރުކޮށްދޭ ޚިދުމަތްތަކުގެ ފެންވަރު މަތިކުރުމަށް މިއަހަރު ޚާއްޞަ އިސްކަމެއް ދީފައިވެއެވެ. ޚާއްޞަކޮށް މިނާގައި ޤާއިމުކުރާ ޓެންޓުތަކުގެ އިންތިޒާމުތައް އިތުރަށް ފުރިހަމަކުރުމުގެ މަސައްކަތް ބާރު ސްޕީޑުގައި ކުރިއަށްދެއެވެ.