ސަރުކާރުގެ ކެބިނެޓަށް ރައީސް ޑރ. މުޙައްމަދު މުޢިއްޒު ގެންނެވި ބަދަލާ ގުޅިގެން ، ވުޒާރާ ބަދަލުވި ތިން ވަޒީރުންނަށް ރުހުން ދިނުމަށް މަޖިލީހަށް ފޮނުއްވައިފިއެވެ.

މިދިޔަ މަހުގެ 30 ވަނަ ދުވަހު ސަރުކާރުން ބަދަލު ގެނައީ މާލީ ވުޒާރާ، ޚާރިޖީ ވުޒާރާ އަދި ސިއްޚީ ވުޒާރާއަށެވެ. އެގޮތުން މާލީ ވަޒީރު ކަމުގައި ހުންނެވި ޑރ. މުޙައްމަދު ޝަފީގު އެ މަގާމުން އިސްތިއުފާ ދެއްވުމުން، ޚާރިޖީ ވަޒީރު ކަމުގައި ހުންނެވި މޫސާ ޒަމީރު ބަދަލުކުރެއްވީ މާލީ ވަޒީރު ކަމަށެވެ. އަދި ޚާރިޖީ ވަޒީރު ކަމަށް ސިއްޚީ ވަޒީރު ކަމުގައި ހުންނެވި އަބްދުﷲ ޚަލީލް ހަމަޖެއްސެވިއިރު، ސިއްޚީ ވަޒީރަކަށް ހަމަޖެއްސެވީ ރައީސް އޮފީހުގެ ވަޒީރަކަށް ހުންނެވި ކުރީގެ ސިއްޚީ ވަޒީރު އަބްދުﷲ ނާޒިމްއެވެ.

Ad by Hajj Corporation

އެ ވަޒީރުން ވަނީ އެ ދުވަހު، ވަޒީރު ކަމުގެ ހުވާ ކުރައްވާފައެވެ. އަދި ރައީސް އިންޑިޔާއަށް ކުރެއްވި ދަތުރުފުޅުގައި ވެސް އެ ވަޒީރުން ބައިވެރިވެވަޑައިގެންނެވިއެވެ.

އެ ވަޒީރުންނަށް ރުހުން ދިނުމަށް އިތުރަށް ދިރާސާކުރަން އެކަމާ ބެހޭ ދާއިމީ ކޮމެޓީއަށް މިއަދު ވަނީ ފޮނުވާފައެވެ.