އިންޑިއާ މުސްލިމުންގެ އިސް ސިޔާސީ ލީޑަރު އަދި މަހާރާޝްތުރާގެ ކުރީގެ މިނިސްޓަރު ބާބާ ސިއްދީގު ބަޑިޖަހާ މަރާލައިފި.

ސިއްދީގު މަރާލާފައިވަނީ މިދިޔަ ހޮނިހިރު ދުވަހުގެ ރޭ މުމްބާއީގައި ހުންނަ އޭނާގެ ދަރިފުޅުގެ އޮފީހުގެ ބޭރުގަ އެވެ.

Ad by Hajj Corporation

ތިން ފަހަރެއްގެ މަތިން ގާނޫނު ހަދާ މަޖިލީހުގެ މެމްބަރުކަން ކުރައްވާފައިވާ އުމުރުން 66 އަހަރުގެ ސިއްދީގު މަރުވީ ލީލާވަތީ ހޮސްޕިޓަލަށް ގެންދިޔަ ފަހުންނެވެ.

ރިޕޯޓުތައް ބުނާ ގޮތުގައި، ދާދި ފަހުންޝަނަލް ކޮންގްރެސް ޕާޓީ (އެންސީޕީ) އަށް ބަދަލުކުރެއްވި ސިއްދީގުގެ ގަޔަށް، އެތައް ފަހަރެއްގެ މަތިން ބަޑި ޖަހާފައިވެއެވެ. އެ ޙާދިސާ އާއި އިންޑިޔާގެ ކްރިމިނިލަ ނެޓްވޯކެއް ކަމުގައިވާ ލޯރެންސް ބިޝްނޯއީ ގޭންގާ ގުޅުން ހުރިތޯ އެގައުމުގެ ފުލުހުން ބަލަމުން އަންނަ ކަމުގައި ވެސް ރިޕޯޓުތައް ބުނެއެވެ.

މި ހަމަލާ ދީފައި މިވަނީ ސިއްދީގުގެ ފުރާނައަށް ނުރައްކާވެދާނެތީ އޭނާގެ ސެކިއުރިޓީ ވަރުގަދަކޮށްފައި ވަނިކޮށެވެ.

މަހާރާޝްތުރާގެ ޑެޕިއުޓީ ޗީފް މިނިސްޓަރު އަޖިތު ޕަވާރު ވަނީ މި މަރާ ގުޅިގެން އެކަން ކުށްވެރިކޮށް ފުރިހަމަ ތަހުގީގެއް ކުރާނެ ކަމަށް ވިދާޅުވެފަ އެވެ. އަދި ހަމަލާގެ މޭސްތިރިވެސް ހޯދާނެކަމަށް އޭނާ ވިދާޅުވިއެވެ.

ބޮލީވުޑްގެ ތަރިންނާއި އެހެނިހެން ޕާޓީތަކާ ގާތް ގުޅުމެއް ބާއްވަމުން އަންނަ ސިއްދީގީ އަކީ މަހާރާޝްތުރާގެ ސިޔާސީ ގޮތުން ފާހަގަކޮށްލެވޭ ބޭފުޅެކެވެ. އޭނާ އަކީ ޝިވް ސޭނާ އާއި ބާރަތިޔާ ޖަނަތާ ޕާޓީ (ބީޖޭޕީ) އާ އެކު އެ ސްޓޭޓްގެ ވެރިކަން ކުރާ އެންސީޕީ ކޯލިޝަންގެ ތެރޭގައި އިސް ދައުރެއް އަދާކުރައްވާފައިވާ ބޭފުޅެއް ވެސް މެއެވެ.