ހައުސިންގ ޑިވެލޮޕްމެންޓް ކޯޕަރޭޝަން (އެޗްޑީސީ) ގެ ޑިރެކްޓަރުންގެ ބޯޑުގެ މެންބަރުކަމުގެ މަޤާމުގައި ހުންނެވި ހއ. ވަށަފަރު، ބޮޑުގެ، ޔޫސުފް ވަޙީދު އެ މަޤާމުން މިއަދު ވަކިކޮށްފިއެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިންހާމަކުރި ގޮތުގައި، އެޗްޑީސީގެ ބޯޑު މެންބަރުކަމުން ޔޫސުފް ވަޙީދު ވަނީ މިއަދުން ފެށިގެން ވަކިކުރެވިފައެވެ. ޔޫސުފް ވަޙީދަކީ މިއަހަރުގެ ސެޕްޓެމްބަރު މަހުގެ ތެރޭގައި އެ ކުންފުނީގެ ބޯޑަށް އައްޔަންކުރެވުނު ބޭފުޅެކެވެ.

Ad by Hajj Corporation

އޭނާ މަޤާމުން ވަކިކުރި ސަބަބެއް ސަރުކާރުންނާއި ޕީސީބީން ރަސްމީކޮށް ހާމަކުރައްވާފައެއް ނުވެއެވެ. ނަމަވެސް، މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން، ސަރުކާރު ހިއްސާވާ ކުންފުނިތަކުގެ ހިންގުން ހަރުދަނާކުރުމަށް ޕީސީބީ މެދުވެރިކޮށް ގެންނަވަމުންދާ އިޞްލާޙީ ބަދަލުތަކުގެ ތެރެއިން އައި ބަދަލެއް ކަމަށް ބެލެވެއެވެ.

ސަރުކާރުގެ ކުންފުނިތަކުގެ ބޯޑުތަކަށް ދޭތެރެ ދޭތެރެއިން ބަދަލުތައް ގެންނަމުންދަނީ ކުންފުނިތަކުގެ އުފެއްދުންތެރިކަން އިތުރުކޮށް، ޚިދުމަތްތައް އަވަސްކުރުމުގެ މަޤްޞަދުގައެވެ.