މި އަހަރުގެ އަޟްޙާ އީދުގެ ބަންދު ދުވަސްތަކުގެ ތެރެއިން، އަންނަ ބުރާސްފަތި ގައުމީ ބޭންކު (ބީއެމްއެލް) ހުޅުވުމަށް އެ ބޭންކުން ނިންމައިފިއެވެ.

ބޭންކް އޮފް މޯލްޑިވްސްއިން ހާމަކޮށްފައިވާ ގޮތުގައި، 28 މޭ 2026 ވާ ބުރާސްފަތި ދުވަހު ބޭންކުގެ ބްރާންޗުތަކާއި ސަރވިސް ސެންޓަރުތައް ހުޅުވާފައި ހުންނާނެއެވެ. އެ ދުވަހު ބޭންކުގެ ހިދުމަތްތައް ދިނުމަށް ހަމަޖެހިފައިވަނީ ހެނދުނު 8:30 އިން މެންދުރު 2:00 އަށެވެ.

Ad by Hajj Corporation

ބޭންކުން ބުނީ އީދު ބަންދުގެ ތެރޭގައި ބޭންކު ހުޅުވި ނަމަވެސް، ކަސްޓަމަރުންނަށް ފަސޭހަކަމާއެކު ހިދުމަތް ހޯދުމަށްޓަކައި ބީއެމްއެލްގެ އިންޓަރނެޓް ބޭންކިންގ އަދި މޮބައިލް އެޕް ބޭނުންކުރުމަށް އިލްތިމާސްކުރާ ކަމަށެވެ. ބޭންކުގެ ހުރިހާ އަސާސީ ހިދުމަތްތަކެއް އޮންލައިން ޕްލެޓްފޯމްތައް މެދުވެރިކޮށް 24 ގަޑިއިރު ލިބޭނެއެވެ.

މީގެ އިތުރުން، އޭޓީއެމްތައް މެދުވެރިކޮށް ފައިސާ ނެގުމާއި، ފައިސާ ޖަމާކުރުމުގެ ހިދުމަތްވެސް ބަންދު ދުވަސްތަކުގައި މެދުނުކެނޑި ލިބޭނެއެވެ. ބޭންކުން މިގޮތަށް ހަމަޖެއްސީ އީދު ބަންދުގެ ދިގު މުއްދަތުގައި ކަސްޓަމަރުންނަށް ބޭނުންވާ މާލީ މުއާމަލާތްތައް ފަސޭހަކަމާއެކު ކުރިއަށް ގެންދިއުމަށް ފުރުސަތު ދިނުމުގެ ގޮތުންނެވެ.