ވަޠަނީ ޚިދުމަތު ޕްރޮގްރާމްގެ ފުރަތަމަ ބެޗުގައި ތަމްރީނުވި ގިނަ ކުދިން ތިބީ ވަޒީފާގައި ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިފަދައިން ވިދާޅުވީ "ނޭޝަން ޗެޓް" ޕްރޮގްރާމްގައި ވާހަކަފުޅުދައްކަވަމުންނެވެ.

Ad by Hajj Corporation

ރައީސް ވިދާޅުވީ މިހާތަނަށް 600 އަށްވުރެ ގިނަ ޒުވާނުން ވަޠަނީ ޕްރޮގްރާމްގެ ތެރެއިން ތަމްރީނުކުރެވިފައިވާކަމަށެވެ. މީގެތެރެއިން ފުރަތަމަ ބެޗްގައި ހިމެނޭ 300 ކުދިންގެ ތެރެއިން ގިނަ ކުދިން ވަޒީފާގައި ތިބިކަން ރައީސް ފާހަގަކުރެއްވިއެވެ. އަދި ޕްރައިވެޓް ސެކްޓަރއަށް ޝައުގުވެރިވާ ކުދިން ފިޔަވާ ގިނަ ކުދިން ސިފައިންގެ އަދި ފުލުހުންގެ ޚިދުމަތާއި ގުޅެމުންދާކަން އެމަނިކުފާނު ފާހަގަކުރެއްވިއެވެ.

ރައީސް ވަނީ ވަނީ ވަޠަނީ ޕްރޮގްރާމް ކާމިޔާބުކަމާއެކު ހިންގުމަށް ދިފާޢީ ވުޒާރާއާ ގުޅިގެން މަސައްކަތްކުރައްވާ ދައުލަތުގެ ހުރިހާ މުއައްސަސާއަކަށް ޝުކުރުއަދާކުރައްވާފައެވެ. ހަމައެއާއެކު ބެލެނިވެރިންނާއި ދަރިވަރުންގެ ފަރާތުން މިޕްރޮގްރާމަށް ލިބޭ އެއްބާރުލުން ފާހަގަކުރައްވާ ބެލެނިވެރިންނާ ޕްރޮގްރާމްގެ ބައިވެރިންނަށް އެމަނިކުފާނުވަނީ ޝުކުރުއަދާކުރައްވާފައެވެ.

މިޕްރޮގްރާމްގައި ބައިވެރިވި ކުދިންގެ ދިރިއުޅުމަށް ބޮޑު ބަދަލެއް އައިސްފައިވާކަން އެކުދިންނާ ކުދިންގެ ބެލެނިވެރިންވަނީ ފާހަގަކޮށްފައެވެ.