1447 ވަނަ އަހަރުގެ އަޟްހާ އީދުގައި ރ.އުނގޫފާރުގައި ކުރިއަަށްދިޔަ އީދު ޝޯވގެ ތެރެއިން ޒުވާން ފިރިހެނެއްގެ ފަރި ނެށުން ދިވެހިންގެ ސަމާލުކަމަށް ގެނެސްފިއެވެ.

މުޅި ސޯޝަލް މީޑިއާގައި މިއަހަރުގެ އީދުގައި ފެނިގެން ދިޔައީ އެ ޒުވާނާގެ ވީޑިއޯތަކެވެ.ވައިރަލް ވެފައިވާ ވީޑިއޯގައި އޭނާ ނަށާފައިވަނީ ވަރަށް ރީތި ދިވެހި ލަވައަކަށްށެވެ.އަޑުއަހާލަން ފަސޭހަ އަދި މަޑުމައިތިރި މި ލަވަައަށް އޭނާ ނަށާފައިވަނީ ވަނީ ވެސް ލަވާ އާ ގުޅޭނެހެން ވަރަށް ލުއި ހަރަކާތްތަކާއެކުގައެވެ.މި ލަވާގައި އޭނާގެ އިތުރުން އަންހެން ބޭފުޅެއްގެ ފަރި ހަރަކާތްތަކެއްވެސް ފެނިގެންދިޔައެވެ.

Ad by Hajj Corporation

ރާއްޖޭގެ އެހެން ރަށްރަށުގައި އީދު ޝޯ ބޭއްވުމަށް ސްޓޭޖެއް އެޅި ނަމަވެސް އުނގޫފާރުގައި ޝޯވ ކުރިއަށް ގެންގޮސްފައިވަނީ ސްޓޭޖެއް ގައެއް ނޫނެވެ. އެރަށުގައި ޝޯ ކުރިއަށް ގެންގޮސްފައިވަނީ މަގުމައްޗަށް އެންމެން އެއްވެގެންނެވެ.

ރާއްޖޭގެ އެކި ރައްރަށުގައި މި އަހަރުގެ އަޟްހާ އީދު ވެސް ވަނީ ވަރަށް ކުލަ ގަދަކޮށް ފާހަގަކޮށްފައެވެ.އެހެންނަމަވެސް ބައެއް ރައްރަށުގައި އާންމު އިޖްތިމާއީ މިންގަނޑުތަކާ ހިލާފު ވާގޮތަށް އީދު ކުޅިވަރުތައް ބާއްވާފައިވާކަން ފާހަގަކޮށްލެވެއެވެ.

އެއާ ހިލާފަށް އުނގޫފާރުން މަޝްހޫރުވެގެން ދިޔަ ޒުވާނާ މި ދައްކާލަދިނީ އިސްލާމް ދީނުގެ މިންގަނޑުތަކާ، އަދި އަޚްލާޤީ މިންގަނޑުތަކުން ހިލާފު ނުވެ ވެސް އީދު ފާހަގަ ކުރެވޭނެކަމެވެ. އަދި ބަޔަކާ ނުވަތަ މީހަކާ ޒާތީ ނުވެ ވެސް މީހުންގެ ސަމާލުކަން ހޯދިދާނެ ކަމެވެ.