ހުޅުމާލޭގެ ބައެއް ސަރަހައްދުތަކުން މިއަދު ކަރަންޓުގެ ހިދުމަތް މެދުކެނޑުނު ސަރަހައްދުތަކުގެ ތެރެއިން ބައެއް ސަރަހައްދަށް މިހާރު އަލުން ކަރަންޓު ދެވިފައިވާ ކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)އިން ބުނެފިއެވެ.

މި މައްސަލަ ދިމާވެފައިވަނީ މިއަދު ހެނދުނު ގާތްގަނޑަކަށް 8:30 އެހައިކަންހާއިރު ކަމަށް ސްޓެލްކޯއިން ވަނީ ބުނެފައެވެ.ކަރަންޓު ކެނޑުނުކަން ހާމަކޮށް ސްޓެލްކޯއިން އެކްސްގައި ކުރި ޕޯސްޓެއްގައި ބުނެފައިވަނީ،ދިމާވި ޓެކްނިކަލް މައްސަލައަކާ ގުޅިގެން ހުޅުމާލޭގެ ބައެއް ސަރަހައްދުތަކުން ވަނީ ކަރަންޓުގެ ހިދުމަތް މެދުކެނޑިފައިކަމަށެވެ. ނަމަވެސް ދިމާވީ ސީދާ ކޮން ކަހަލަ ޓެކްނިކަލް މައްސަލައެއް ކަމެއް އެ ކުންފުނިން ހާމަކޮށްފައެއް ނުވެއެވެ.

Ad by Hajj Corporation

ސްޓެލްކޯއިން އިތުރަށް ބުނެފައިވަނީ ދިމާވި މައްސަލަ ހައްލުކޮށް، ވީ އެންމެ އަވަހަކަށް އަލުން ކަރަންޓުގެ ހިދުމަތް ފޯރުކޮށްދިނުމަށްޓަކައި ކުރަންޖެހޭ މަސައްކަތްތައް މިހާރު ކުރަމުންދާ ކަމަށެވެ. =އެގޮތުން މިހާރު ކަރަންޓު ކެނޑުނު ސަރަހައްދުތަކަށް ކަރަންޓު ދެމުން ގެންދާ ކަމަށާއި އެގޮތުން މިހާރު ބައެއް ސަރަހައްދުތަކަށް ކަރަންޓު ދީފައިވާކަމަށް ސްޓެލްކޯއިން ބުންޏެވެ.

ކަރަންޓުގެ މައްސަލަ އަށް ދާއިމީ ހައްލެއް ގެނައުމަށް އަދުގެ ސަރުކާރުން ގިނަގުނަ މަސައްކަތްތަކެއް ކުރަމުން އަންނައިރު، ފުރަމާލެ ހިމެނޭ ސަރަހައްދުގައި ދިމާވާ މައްސަލަތަކަށް ދާއިމީ ހައްލެއް ގެނައުމަށް ސްޓެލްކޯގެ ޓީމުން ވެސް ދަނީ ބުރަ މަސައްކަތްތަކެއް ކުރަމުންނެވެ.