އިލެކްޝަން ކޮމިޝަން (އީސީ)ގެ މެންބަރު ކަމުގެ މަގާމަށް އައްޔަން ކުރުމަށް މަޖިލީހަށް ހުށަހެޅި ޢަބްދުލް ޙަސީބް އިސްމާއިލްއާ މެދު ރައްޔިތުންގެ ޝަކުވާ ހުށަހެޅުމަށް ރައްޔިތުންގެ މަޖިލީހުން އިދާރާއިން ހުޅުވާލައިފިއެވެ.

އެ މަގާމަށް ހަސީބު އައްޔަންކުރަން މަޖިލީހަށް ނަން ފޮނުއްވާފައި އިއްޔެއެވެ. އެގޮތުން ހަސީބުގެ ނަން ފޮނުވާފައިވަނީ ވަނީ އީސީގެ ރައީސް ކަމުގައި މިހާރު ހުންނެވި ފުއާދު ތައުފީގުގެ ދައުރު މި އަންނަ މަހުގެ 24 ގައި ހަމަވާތީއެވެ.

ރައްޔިތުންގެ މަޖިލީހުން މިއަދު ނެރުނު އިއުލާނެއްގައި ބުނީ އިލެކްޝަން ކޮމިޝަންގެ މެމްބަރުކަމުގެ މުއްދަތު ހަމަވާތީ، އެ މަގާމަށް އައްޔަން ކުރެއްވި ޢަބްދުލް ޙަސީބް އިސްމާއިލް އައްޔަންކުރެއްވުމާ ގުޅޭގޮތުން ރައީސުލްޖުމްހޫރިއްޔާ، ރައްޔިތުންގެ މަޖިލީހަށް ފޮނުއަވާފައިވާ މައްސަލަ ނިންމުމަށްޓަކައި، މިމަހުގެ 14 ވަނަ ދުވަހު ރައްޔިތުންގެ މަޖިލީހު 34 ވަނަ ޖަލްސާގައި މިނިވަން މުއައްސަސާތަކުގެ ކޮމިޓީއަށް ވަނީ ފޮނުވާފައި ކަމަށެވެ.

މަޖިލީހުގެ އިދާރާއިން ބުނީ، ޝަކުވާ ހުށަހަޅަން ޖެހޭނީ އެ ހުށަހަޅާ ފަރާތުގެ ފުރިހަމަ ނަމާއި ދާއިމީ އެޑްރެސް އަދި ގުޅޭނެ ފޯނު ނަންބަރު އެނގޭ ގޮތަށް ކަމަށެވެ.

ހަސީބު ވަނީ 2019 ވަނަ އަހަރު އިސްލާމިކް މިނިސްޓްރީގެ ޕާމަނަންޓް ސެކްރެޓަރީގެ މަގާމު އަދާކުރައްވާފައެވެ. އޭގެ ފަހުން އޭނާ ސަސްޕެންޑްކުރުމަށް ފަހު މަގާމުން ދުރުކުރީއެވެ.