ހުޅުމާލެ ދެވަނަ ފިޔަވަހީގެ ކަރަންޓު ނެޓްވަރކް ބެލެހެއްޓުމާއި ހިންގުން ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އާ ރަސްމީކޮށް ޙަވާލުކޮށްފިއެވެ. މިކަމަށްޓަކައި މިއަދު ބޭއްވި ޚާއްޞަ ރަސްމިއްޔާތެއްގައި ސްޓެލްކޯ އާއި ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އާ ދެމެދު ވަނީ ފަހުމުނާމާއެއްގައި ސޮއިކޮށްފައެވެ.

މި ފަހުމުނާމާގައި ސްޓެލްކޯގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ ޑރ. ޢަލީ އަޒްވަރު އެވެ. އަދި އެޗްޑީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ ބްރިގޭޑިއަރ (ރޓޑ) ޢަލީ ޒުހައިރު އެވެ. މި އެއްބަސްވުމުގެ ދަށުން ދެވަނަ ފިޔަވަހީގެ ކަރަންޓުގެ ޚިދުމަތް އިތުރަށް ހަރުދަނާވެގެންދާނެ ކަމަށް ބެލެވެއެވެ.

Ad by Hajj Corporation

މީގެ އިތުރުން، ހުޅުމާލެ ދެވަނަ ފިޔަވަހީގައި ދިމާވާ ކަރަންޓުގެ މައްސަލަތަކަށް އަވަސް ޙައްލެއް ހޯދައިދިނުމަށްޓަކައި، ސްޓެލްކޯގެ އެމްރޖެންސީ ރެސްޕޮންސް ސެންޓަރެއް ޤާއިމްކުރުމަށް ބޭނުންވާ ޖާގަވެސް އެޗްޑީސީން މިއަދު ވަނީ އެ ކުންފުންޏާ ޙަވާލުކޮށްފައެވެ. މި ސެންޓަރުގެ ސަބަބުން ކަރަންޓުގެ ޚިދުމަތަށް މެދުކެނޑުމެއް އަންނަ ޙާލަތްތަކުގައި އަވަހަށް ފިޔަވަޅު އެޅުމުގެ މަގު ފަހިވެގެންދާނެއެވެ.

މި ރަސްމިއްޔާތުގެ ތެރެއިން ސްޓެލްކޯގެ ފަރާތުން ވަނީ އެޗްޑީސީއަށް ލައިޓް ޕޯސްޓްތަކެއްވެސް ހަދިޔާކޮށްފައެވެ. މިއީ ދެ ކުންފުނީގެ ދެމެދުގައި އޮތް ގުޅުން ބަދަހިކުރުމަށާއި، ހުޅުމާލޭގެ ތަރައްޤީއަށް ކުރެވޭ މަސައްކަތްތަކަށް އެއްބާރުލުން ދިނުމުގެ ގޮތުން ކުރެވުނު ކަމެއްކަމަށް ސްޓެލްކޯއިން މަޢުލޫމާތުދެއެވެ.