ވެސްޓް ޕާކް ސަރަޙައްދާ ދިމާލުން ދަތުރުކުރި ބާޖަކުން، ކޮންޓެއިނަރުތަކެއް މޫދަށް ވެއްޓިފައިވާތީ އެ ސަރަހައްދުން ދަތުރު ކުރާފަރާތްތަކުން ސަމާލުވުމަށް އެމްއެންޑީއެފްއާ ޕޮލިހުން އެދިފި އެވެ.

ފުލުހުން ބުނީ ކޮންޓެއިނަރުތަކެއް އޮޔާދާ ކަމުގެ މައުލޫމާތު އެމްޕީއެލް އިން ލިބިފައި ވަނީ ރޭގެ 11:10 ހާއިރު ކަމަށެވެ. މި ބާޖުން ފަސް ކޮންޓެއިނަރެއް ވެއްޓި އޮޔާދާއިރު، މިތަކެތި އޮޔާދާނެ ކަމަށް ލަފާ ކުރެވެނީ ދޫނިދޫ އާއި ފޭދޫފިނޮޅު ސަރަހައްދުން ކަމަށް ފުލުހުން މައުލޫމާތުދެ އެވެ. ފުލުހުން ބުނީ މިހާތަނަށް ކުރި މަސައްކަތުން ދެ ކޮންޓޭނަރު ފެނިފައިވާ ކަމަށެވެ. އަދީ ބާކީ ތިން ކޮންޓޭނަރު ހޯދުމުގެ މަސައްކަތް ކުރަމުން އަންނަ ކަމަށް ވެސް ފުލުހުން މައުލޫމާތުދެ އެވެ.

Ad by Hajj Corporation

އެމްއެންޑީއެފް އިން ބުނީ ކޮންޓެއިނަރު އޮޔާދާނެ ކަމަށް ލަފާކުރެވޭ ސަރަޙައްދުން ރޭގަނޑު ދަތުރުކުރާ ފަރާތްތަކުން ހާއްސަ ސަމާލު ކަމެއްދީގެން ދަތުރު ކުރުން މުހިއްމު ކަމަށެވެ. އަދި މިދުވަސްވަރަކީ މޫސުމް ގޯސް ދުވަސްވަރެއް ކަމުން ވަކިން ހާއްސަކޮށް މޫސުމަށް ބަލައިގެން ދަތުރު ކުރުމަށް ވެސް އެމްއެންޑީއެފް އިން އިލްތިމާސްކުރެ އެވެ.