ދިވެހި ރާއްޖޭގެ ހިއްސާގެ ބާޒާރަށް އޮތް އެންމެ ބޮޑު އެއް ގޮންޖެހުމަކީ ހިއްސާ ގަނެވިއްކޭނެ ފަސޭހަ ނިޒާމެއް ނެތުން ކަމަށް ގައުމީ ބޭންކުގެ ޑައިރެކްޓާ އޮފް ފައިނައިންޝިއަލް ސްޓްރެޓެޖީ އަބްދުﷲ ހަސަން ވިދާޅުވެއްޖެ އެވެ.

މެންދުރު ޓީވީގެ މައުލޫ ޕްރޮގްރާމްގައި ވާހަކަ ދައްކަވަމުން އަބްދުﷲ ވިދާޅުވީ ރާއްޖޭގެ ހިއްސާގެ ބާޒާރު ކުރިއެރުމަށް ހަމައެކަނި އޮތް ގޮްންޖެހުމަކީ އާބާދީ ކުޑަވުން ނޫން ކަމަށެވެ. އެގޮތުން މިފަދަ ޓެކްނޮލަޖީ ފަސޭހަ ޒަމާނެއްގައި ހިއްސާ ފަސޭހައިން ވަގުތުން ގަނެ ވިއްކޭނެ ނިޒާމެއް ގާއިމުކުރެވެން ޖެހޭ ކަމަށް ވެސް އޭނާ ފާހަގަ ކުރެއްވެވި އެވެ. އަބްދުﷲ ވިދާޅުވީ ރާއްޖޭގެ ހިއްސާގެ ބާޒާރުގައި ވެސް ބުރޯކަރުން ހިއްސާ ގަނެވިއްކުމުގެ ނިޒާމުތައް ކޮންމެ ވެސް ވަރަށް ގާއިމުކޮށްފައި ހުރި ނަމަވެސް އަދި މިހާރަށް ވުރެ ފުރިހަމަވެ، ދުނިޔޭގެ އެހެންތަންތާ ވެސް ހިއްސާ ގަނެއްވިއްކާ ކަހަލަ ފަސޭހަ ނިޒާމެއް ރާއްޖެ އަށް ވެސް މުހިއްމު ކަމަށެވެ.

Ad by Hajj Corporation

މިމައުލޫ އަށް އިތުރަށް ވާހަކަ ދައްކަވަމުން އަބްދުﷲ ވިދާޅުވީ ރާއްޖޭގެ އިގްތިސޯދުގައި ޑޮލަރާއި ފައިސާ ވެސް ދައުރުވަމުންދާ ކަމަށެވެ. އަދި މީހުންގެ އަތުގައި އެ ތަނަވަސްކަން އެބަހުރި ކަމަށާއި ފަސޭހައިން ހިއްސާގެ އަގުތަކަށް އަންނަ ބަދަލުތައް ދެނެގެނެވޭނެ ނިޒާމެއް ހުންނަނަމަ ކުންފުނިން ހިއްސާގެ ފައިދާ އަށް ބަހާ ފައިދާ އަށް އިންތިޒާރުކުމުގެ ބަދަލުގައި ހިއްސާގެ ބާޒުގައި ހިއްސާ ވިއްކައިގެން ރަނގަޅު ނަފާއެއް ހޯދުމަށް މީހުން މަސައްކަތް ކުރާނެ ކަމަށެވެ.