މަސްވެރިކަމާ ދަނޑުވެރިކަމުގެ ދާއިރާއިން ކުރެވެން ހުރި މަސައްކަތްތަކާ ގުޅޭގޮތުން ނ.ކުޑަފަރީ ކައުންސިލުން މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާ ބެހޭ ވުޒާރާ މަޝްވަރާކޮށްފިއެވެ.

އޮންލައިންކޮށް ކުރިއަށްދިޔަ މި ބައްދަލުވުމުގައި، ކުޑަފަރީގައި ޤާއިމުކުރުމަށް ހަމަޖެހިފައިވާ އައިސްޕްލާންޓުގެ އެންމެ ފަހުގެ އަދާހަމަ ވަޒީރު ޝިޔާމް ވަނީ ކުޑަފަރީ ކައުންސިލާ ހިއްސާ ކުރައްވާފައެވެ.އަދި އެ ވުޒާރާއިން ކުރިއަށްގެންދާ ފަރުމަސްވެރިކަމާއި، ދަނޑުވެރިކަމުގެ އިތުރުން މެރިކަލްޗަރ މަޝްރޫޢުތަކާ ގުޅޭ މަޢުލޫމާތާއި އަދާހަމަ ވަނީ ޙިއްޞާކުރައްވާފައެވެ.

Ad by Hajj Corporation

ބައްދަލުވުމުގައި ކުޑަފަރީ ކައުންސިލުން އެ ވުޒާރާއާ ގުޅިގެން ކުރިއަށް ގެންދިއުމަށް ބޭނުންވާ ކަންކަން ވަޒީރާއި ހިއްސާކުރައްވާފައެވެ.

މީގެއިތުރުން މަނިޔަފުށީގައި ކުރިއަށްގެންދާ ތަމްރީނު ޕްރޮގްރާމުތަކާ ގުޅޭ މައުލޫމާތާއި ތަމްރީނު ފުރުސަތުތަކާއި ގުޅޭގޮތުންނާއި ވުޒާރާއިން ހިންގާ ފަތްކެޔޮ ޕްރޮޖެކްޓާ ގުޅޭ މައުލޫމާތުވެސް މި ބައްދަލުކުރެއްވުމުގައި ހިއްސާކުރިއެވެ.

އަދި ނ.ކުޑަފަރީ ރުއްގަހަށް ފެތުރެމުންދާ ބަލި ކޮންޓްރޯލްކުރުމަށްޓަކައި މިނިސްޓްރީގެ ފަންނީ އެހީތެރިކަން ބޭނުންވާކަން ކައުންސިލުން ވަނީ ފާހަގަކުރައްވާފައެވެ. މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގެ ފަރާތުން ވެދެވެންއޮތް އެހީތެރިކަމެއް ދެއްވާނެކަމުގެ ޔަގީންކަން ވަޒީރު ޝިޔާމް ދެއްވިއެވެ.