މިދިޔަ އަހަރަށް ވުރެ މިއަހަރު ހިނގި އެކްސިޑެންޓްތަކުގެ އަދަދު 7 އިންސައްތަ އިތުރު ވެއްޖެ ކަމަށް ފުލުހުންގެ ތަފާސްހިސާބު ތަކުން ދައްކައިފި އެވެ.

ފުލުހުން އާންމުކުރި ތަފާސް ހިސާބުތަކުން ދައްކާ ގޮތުން މިއަހަރުގެ މިހާތަނަށް 1568 އަށް އެކްސިޑެންޓް ރިޕޯޓްކޮށްފައިވެ އެވެ.

މިއީ މިދިޔަ އަހަރުގެ މި މުއްދަތާ އަޅާ ބަލާއިރު އިތުރު އަދަދެކެވެ. ފުލުހުން އާންމުކުރި ހިސާބުތަކަށް ބަލާއިރު މިދިޔަ އަހަރުގެ ފުރަތަމަ 6 މަސްދުވަހުގެތެރޭގައި 5،757 މައްސަލަ ރިޕޯޓުކޮށްފައިވެ އެވެ. މިއަހަރުގެ ފުރަތަމަ ހަމަސްތެރޭ މި އަދަދުވަނީ %7 އިތުރުވެ، 6،198 އަރާފަ އެވެ.

ފުލުހުން ބުނީ އެންމެ ގިނައިން ހުށަހަޅާފައި ވަނީ ވައްކަމުގެ މައްސަލަތައް ކަމަށެވެ. ވައްކަމާ ޖެހިގެން ދެ ވަނަ އަށް އެންމެ ގިނައިން ހުށަހަޅާފައި ވަނީ ޓްރެފިކާ އެކްސިޑެންޓްގެ މައްސަލަތަކެވެ. ފުލުހުންގެ ތަފާސްހިސާބު ދައްކާ ގޮތުން އެކްސިޑެންޓް މައްސަލަތައް ހުށަހަޅާފައިވާ މިންވަރު ވެސް ވަނީ މިދިޔަ އަހަރަށް ވުރެ ދެ އިންސައްތަ އިތުރުވެފަ އެވެ. އެގޮތުން މިދިޔަ އަހަރުގެ ފުރަތަމަ ހަމަސްދުވަހު ރިޕޯޓުކޮށްފައިވަނީ 1531 އެކްސިޑެންޓެވެ. މިއަހަރުގެ މި މުއްތަތުގައި 1568 އެކްސިޑެންޓު ރިޕޯޓުކޮށްފައިވެ އެވެ.