މެލޭޝިއާގައި މިއަދު ހިނގި އެކްސިޑެންޓެއްގައި ދިވެހި އަންހެން ދަރިވަރަކު ނިޔާވެއްޖެ އެވެ.

މި އެކްސިޑެންޓް ހިނގާފައިވަނީ މިއަދު ހަވީރު ދެ ކާރު ޖެހިގެންނެވެ.

މެންދުރަށް އެނގިފައިވާ ގޮތުގައި ނިޔާވެފައިވަނީ އައްޑޫ ސިޓީ ހިތަދޫއަށް ނިސްބަތްވާ އުމުރުން 21 އަހަރުގެ ދަރިވަރެކެވެ.

އެކްސިޑެންޓަށްފަހު ކުއްލި ފަރުވާ ދޭން އޭނާ ގެންގޮސްފައިވަނީ ޕުޗޮން ހޮސްޕިޓަލަކަށެވެ.

މިހާދިސާގައި ނިޔާވި ދިވެހި އަންހެން ދަރިވަރުގެ ބޮލަށް ބޮޑެތި ގެއްލުންތަކެއް ލިބިފައިވާއިރު ކާރުގައި އިތުރު ދިވެހި ދަރިވަރަކުވެސް އިން ކަމުގެ މައުލޫމާތު ލިބެ އެވެ. އެ ދަރިވަރުގެ ފަޔަށް އެކި ވަރުގެ އަނިޔާތައް ލިބިފައިވެ އެވެ.

މެލޭޝިއަކީ ގިނަ އަދަދެއްގެ ދިވެހިން ތައުލީމު ހާސިލްކުރަމުންދާ ގައުމެކެވެ.

Ad by Hajj Corporation