މާލޭގެ އުތުރު ފަރާތް ބޮޑުތަކުރުފާނު މަގު ހެދުމުގެ މަޝްރޫޢުގެ ފުރަތަމަ ފިޔަވަހީގެ ދަށުން ކުރިއަށްދާ ޝީޓް ޕައިލް ކުރުމުގެ ހުރިހާ މަސައްކަތްތަކެއް ނިމިއްޖެ ކަމަށް އެމްޓީސީސީން ހާމަކޮށްފިއެވެ.

އެމްޓީސީސީން ބުނި ގޮތުގައި، މި މަޝްރޫޢުގެ ދަށުން ހިމެނޭ ސެގްމެންޓް 4 އަދި 5 ގެ ސަބް-ބޭސް މަސައްކަތްތައް މިހާރު ވަނީ އެއްކޮށް ނިންމާލާފައެވެ. އަދި މިހާރު ކުރިއަށްދަނީ އެގްރިގޭޓް ބޭސް ކޯސް އެޅުމުގެ މަސައްކަތްތަކެވެ.

Ad by Hajj Corporation

އަދި މަގުގައި ތާރު އެޅުމުގެ އަމަލީ މަސައްކަތްތައް ފެށުމަށް ހަމަޖެހިފައިވަނީ ކުރިއަށް އޮތް ޖުލައި މަހުގެ 7 ވަނަ ދުވަހު ކަމަށްވެސް އެ ކުންފުނިން މައުލޫމާތުދެއެވެ.

"މި ހަފުތާގެ ތެރޭގައި އެންމެ ފަހުގެ ކީ-ވޯލް ކެޕިންގ ކޮންކްރީޓް މަސައްކަތްތައް ކުރިއަށްދާނެ. މިއީ މި މަޝްރޫޢަށް ލިބިގެންދާނެ ހީލަތްތެރި އަދި މުހިންމު ކާމިޔާބީއެއް،" އެމްޓީސީސީ

މާލޭގެ އުތުރު ފަރާތުގެ ބޮޑުތަކުރުފާނު މަގު ޒަމާނީ ފެންވަރަކަށް ތަރައްޤީކުރުމުގެ މި މަޝްރޫޢަކީ، މާލޭގެ ޓްރެފިކް ފްލޯ ރަނގަޅުކުރުމަށާއި ބަނދަރު ސަރަޙައްދު ބޭނުންކުރާ ފަރާތްތަކަށް ބޮޑެތި ފަސޭހަތަކެއް ލިބިގެންދާނެ މުހިންމު މަޝްރޫޢެކެވެ.