ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ރަސްމީ ދަތުރުފުޅެއްގައި މިއަދު ހެނދުނު ޤަޠަރަށް ފުރާވަޑައިގެންފިއެވެ.

ރައީސް އޮފީހުން ބުނިގޮތުގައި މިއީ ގަތަރުގެ ކުރީގެ އަމީރު، ޝެއިހް ހަމަދު ބިން ހަލީފާ އަލް ސާނީ އަވަހާރަވުމާއި ގުޅިގެން، އެމަނިކުފާނުގެ ދަރިކަލުން ގަތަރުގެ މިހާރުގެ އަމީރު ޝައިޚް ތަމީމް ބިން ހަމަދު އަލް ތާނީ އާއި ޝާހީ އާއިލާއަށް އިހުތިރާމް ކުރެއްވުމަށް ކުރައްވާ ދަތުރުފުޅެއް ކަމަށެވެ.

Ad by Hajj Corporation

އަވަހާރަވި ކުރީގެ އަމީރުގެ ހަނދާނުގައި ޝާހީ ޢާއިލާއިން ކުރިއަށްގެންދާ ހިތާމައިގެ ޙަރަކާތްތަކުގައި ބައިވެރިވެވަޑައިގަތުމަށް، ބޭރު ޤައުމުތަކުގެ އެހެން ޢިއްޒަތްތެރިންވެސް ޤަޠަރަށް ވަޑައިގަންނަވާނެ ކަމަށް ބެލެވޭ ކަމަށް ރައީސް އޮފީހުން ވަނީ ބުނެފައެވެ.

ޤަޠަރުގެ ކުރީގެ އަމީރު، ޝައިޚް ޙަމަދު ބިން ޚަލީފާ އަލް-ޘާނީ އަވަހާރަވީ، އުމުރުފުޅުން 74 އަހަރުގައެވެ. އެ މަނިކުފާނު ޤަޠަރުގެ ވެރިކަން ކުރައްވާފައިވަނީ، 1995 ވަނަ އަހަރުން ފެށިގެން 2013 ވަނަ އަހަރަށެވެ.