ބޭންކް އޮފް މޯލްޑިވްސް (ބީއެމްއެލް) އިން އެ ބޭންކުގެ ޑިޖިޓަލް ވޮލެޓް، ސްވައިޕް މެދުވެރިކޮށް ބައިނަލްއަގުވާމީ އެކައުންޓްތައް ހުޅުވައި ބޭރުން ފައިސާ ގެނެވޭ ގޮތަށް ހަދައިފި އެވެ.

ބީއެމްއެލްގެ ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފް ވިދާޅުވީ މި ހިދުމަތުގެ ސަބަބުން ބޭރުން ފައިސާ ގެނެވޭނެ ކަމަށާއި މިއީ ދިވެހި ވިޔަފާރިވެރިންނާއި ކޮންޓެންޓްކުރިއޭޓަރުންނަށް ފަހިކޮށްދެއްވުން އިންގިލާބީ ބަދަލެއް ކަމަށެވެ. އަލަށް ތައާރަފުކުރި މި ހިދުމަތާ އެކު ބައިނަލްއަގްވާމީ ބޭންކް އެކައުންޓް ނަންބަރެއް ހުޅުވައި ބޭރުގެ އެކައުންޓްތަކުން ފަސޭހަކަމާ އެކު ފައިސާ ފޮނުވޭނެ ކަމަށް ވެސް ޝަރީފް ފާހަގަ ކުރެއްވެވި އެވެ.

Ad by Hajj Corporation

ޝަރީފު ވިދާޅުވީ ސްވެއިޕް މެދުވެރިކޮށް ފައިސާ ފޮނުވާ ފައިސާ ބަލައިގަތުމަށް ދިވެހިން އަތުން އެއްވެސް ފީ އެއް ނުނަގާނެ ކަމަށެވެ. އަދި މިހާރު ވެސް ސްވައިޕް ބޭނުންކުރާ 20،000 ވުރެ ގިނަ ކަސްޓަމަރުން އުޅޭ ކަމަށާއި 3،300 ގިނަ ވިޔަފާރިތަކުން މިހިދުމަތް ބޭނުންކުރާ ކަމަށް ވެސް ޝަރީފު ފާހަގަ ކުރެއްވެވި އެވެ.

ސްވައިޕް އަކީ ސައްތައިން ސައްތަ ދިވެހި އުފެއްދުމެއް ކަމަށްވާއިރު، މިއީ ރާއްޖޭގައި އެންމެ އަވަހަށް، އެންމެ ހެޔޮ އަގުގައި ފައިސާގެ މުއާމަލާތް ހިންގޭ ޑިޖިޓަލް ވޮލެޓެކެވެ.