ބޭންކް އޮފް މޯލްޑިވިސް އިން އެއްވެސް ކަމަކަށް ސަރުކާރަށް ޑޮލަރު ދީފައެއް ނުވާނެ އެ ބޭންކުގެ ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފު ވިދާޅުވެއްޖެ އެވެ.

ޝަރީފު ވިދާޅުވީ ދުނިޔޭގެ އެހެން ބޭންކުތަކުން ވެސް އަމަލުކުރާ އުސޫލުން ސަރުކާރުގެ ޓީބިލްތަކުގައި ބޭންކް އޮފް މޯލްޑިވްސް އިން އިންވެސްޓްކުރާ ކަމަށެވެ. އަދި އެގޮތަށް އިންވެސްޓްކުރަނީ އެކްސެސް ފަންޑުން ކަމަށާއި ޓީބިލަށް އިންވެސްޓްކުރުމަކީ ރިސްކް ކުޑަ މާލީ ހަރާކާތެއް ކަމަށް ވެސް ޝަރީފު ވިދާޅުވި އެވެ.

Ad by Hajj Corporation

ބޭންކް ހިންގަނީ ސަރުކާރުން ބުނާ ގޮތަށް ކަމަށް ދައްކާ ވާހަކަތައް އިޝާރަތްކޮށް ޝަރީފު ވިދާޅުވީ އެ ބޭންކު ހިންގަނީ ބޭންކުތައް ރެގިލެޓޭޓްކުރާ ގާނޫނާއި ގަވާތުތަކާއި މިންގަނޑުތަކުގެ މަތިން ކަމަށެވެ. ރާއްޖެއާއި ބައިނަލްއަގުވާމީ ގޮތުން ކަނޑައަޅާފައިވާހުރިހާ މިންގަނޑުތަކަށް ތަބާވާ ކަމަށާއި ބައެއް ހާލަތްތަކުގައި އެމިންގަނޑުތަކަށްވުރެ މަތިން އަމަލުކޮށްފައިވާ ކަމަށް ވެސް އޭނާ ވިދާޅުވި އެވެ. އަދި މިކަމުގެ ހެއްކެއްގެ ގޮތުގައި އޮޑިޓް ރިޕޯޓްތައް ފެންނަން ހުންނާނެ ކަމަށް ވެސް ޝަރީފު ފާހަގަ ކުރެއްވެވި އެވެ.