މޯލްޑިވްސް އިންލަންޑް ރެވެނިއު އޮތޯރިޓީ (މީރާ)ގެ ޑެޕިއުޓީ ކަމިޝަނަރުގެ މަގާމަށް ކުރިމަތިލުމަށް ފުރުސަތު ރައީސް އޮފީހުން ހުޅުވާލައިފި އެވެ.

މި މަގާމަށް ކުރިމަތިލުމަށް ފުރުސަތު ހުޅުވާލާފައި ވަނީ އަން މަހުގެ ފަސް ވަނަ ދުވަހުގެ ނިޔަލަށެވެ. ރައީސް އޮފީހުން ބުނީ މީރާގެ ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަންގެ މަގާމަށް އެދޭ ފޯމު ރައީސް އޮފީހުގެ ރިސެޕްޝަނާއި ވެބްސައިޓުން ލިބޭނެ ކަމަށެވެ. އަދި ފޯމު ބަލައިގަންނަން ނިންމާފައި ރަސްމީ ދުވަސްތަކުގެ ހެނދުނު 8:30 އިން މެންދުރު 12:00 އަށެވެ.

Ad by Hajj Corporation

މީރާގެ ޑެޕިއުޓީ ކޮމިޝަނަރުގެ މަގާމު ހުސްވީ، އެ މަގާމުގައި ހުންނެވި ފާތިމަތު އަމީޒާ މީރާގެ ކޮމިޝަނަރު ކަމުގެ މަގާމަށް ރައީސުލް ޖުމްހޫރިއްޔާ މމިދިޔަ ބުރާސްފަތި ދުވަހު އައްޔަން ކުރެއްވުމާ ގުޅިގެންނެވެ. އަމީޒާއަކީ މީރާ އުފެދުނީއްސުރެ އެ މުއައްސަސާގައި 16 އަހަރަށްވުރެ ދިގު މުއްދަތެއްގައި ޚިދުމަތްކުރައްވާފައިވާ ކަނބަލެކެވެ. އަމީޒާ ވަނީ ޓެކްސްގެ ސިޔާސަތުތައް އިޞްލާޙުކުރުމާއި، މުއައްސަސާ ހިންގުމުގެ ނިޒާމު ހަރުދަނާކުރުމުގެ އިތުރުން، ދައުލަތަށް ލިބޭ އާމްދަނީ އިތުރުކުރުމުގެ ރޮނގުން ފާހަގަކޮށްލެވޭ މަސައްކަތްތަކެއް ކުރައްވާފަ އެވެ.