ސަރުކާރު ހިންގާ ކޯލިޝަންގައި ހިމެނޭ ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)ގެ ނައިބް ރައީސްްގެ ކަމުގެ މަގާމަށް ހާރިޖީ ވަޒީރު ޑރ. އަބްދުﷲ ޚަލީލު ހަމަޖައްސަވައި އަދި އެ ޕާޓީގެ ސެކެރެޓަރީ ޖެނެރަލްގެ މަގާމަށް ދަރުމަވަންތަ ހޮސްޕިޓަލުގެ ސީއީއޯ އަބްދުއްރައްޒާގް ހަލީމް އައްޔަން ކުރައްވައިފިއެވެ.

މިއަދު ބޭއްވި ސެނެޓް ބައްދަލުވުމުގައި މި ދެބޭފުޅުންވެސް ވަނީ ސެނެޓްގެ އިއްތިފާގުން އިންތިހާބު ކޮށްފައިކަމަށް ޕާޓީގެ ރެޖިސްޓްރާ އަހުމަދު ހަމްދާން ނާސިރު ވަނީ ވިދާޅުވެފައެވެ. ސެނެޓް ބައްދަލުވުމުގެ ރިޔާސަތު ބެލެހެއްޓެވީ ޚަލީލާއި ހަލީމްގެ އިތުރުން އެ ޕާޓީގެ ނައިބު ރަައީސް އަދި ދިފާއީ ވަޒީރު ޣައްސާން މައުމޫނުކަމަށް އެނގިފައިވެއެވެ.

Ad by Hajj Corporation

މި ބައްދަލުވުމުގައި އެ ޕާޓީ އުވާލަން މަޝްވަރާކުރައްވާނެކަމަށް މީޑިއާތަކުގައި އަޑު ފެތުރިފައިވެއެވެ. ނަމަވެސް އެފަދަ އެއްވެސް މަޝްވަރާއެއް ކުރައްވާފައިނުވާކަމަށް ހަމްދާން ވިދާޅުވިއެވެ.

އިލެކްޝަން ކޮމިޝަނުގެ ދަފްތަރު ދައްކާގޮތުން އެ ޕާޓީގައި މިހާރުވެސް 34،000 އަށް ވުރެ ގިނަ މެމްބަރުން އެބަތިއްބެވެ.