ނިއުކާސަލް ޔުނައިޓެޑަށް ކުޅެމުން އަންނަ ބްރެޒިލްގެ މިޑްފީލްޑަރު ބްރޫނޯ ގިމަރޭސް އާސެނަލަށް ބަދަލުވުމަށް އެއްބަސްވެފައިވާކަން ޓްރާޏްސްފަރ މާކެޓްގެ އެންމެ އިތުބާރުހިފޭ ފަރާތްތަކުން ރިޕޯޓްކޮށްފިއެވެ.

އެގޮތުން ދިގު މުއްދަތެއްގެ މަޝްވަރާތަކަށްފަހު ދެ ކްލަބުގެ ދެމެދުގައި އެއްބަސްވުމަކަށް އާދެވިފައިވާކަމަށާއި މި ޓްރާންސްފާގެ އަގަކީ 75 މިލިއަން ޕައުންޑް ކަމަށް ރިޕޯޓްތައް ލިބެއެވެ. އަދި ބްރޫނޯއާއެކު އަމިއްލަ ޝަރުތުތަކަށް މިދިޔަ ޖުލައި މަހުން ފެށިގެން އެއްބަސްވެފައިވާ ކަމަށްވެސް އޭނާ ވަނީ ބުނެފައެވެ.

Ad by Hajj Corporation

މައުލޫމާތު ލިބޭގޮތުގައި ކުރިއަށް އޮތް 48 ގަޑިއިރުގެ ތެރޭގައި ބްރޫނޯ އޭނާގެ މެޑިކަލް ޓެސްޓުތައް ފުރިހަމަކޮށް، އުތުރު ލަންޑަނުގެ ކްލަބަށް ބަދަލުވުމުގެ ހުރިހާ މަރުހަލާއެއް ނިންމާލާނެއެވެ. މިއީ މި ސީޒަނުގައި އާސެނަލްގެ މެދުތެރެ ވަރުގަދަކުރުމަށް އެ ކްލަބުން ކުރާ އެންމެ މުހިންމު އެއް އިންވެސްޓްމަންޓެވެ.
މީގެ އިތުރުން އާސެނަލް އިން އަންނަނީ ބްރެޒިލް އަދި ރެއާލް މެޑްރިޑްގެ ސުޕަ ސްޓާ ވިނީސިއަސް ޖޫނިއާގެ ސޮއި ހޯދުމުގެ މަސައްކަތްވެސް ކުރަމުންނެވެ.