އެމްޑިޕީވެރިކަމުގައި މާލީ ތަފާސްހިސާބު އާންމު ނުކުރީ ވަށްކަންކޮށްފައި އޮތްލެއް ގިނަކަމުން ކަމަށް ބާރަށު ދާއިރާގެ މެމްބަރު އިބްރާހިމް ޝުޖާއު ވިދާޅުވެއްޖެ އެވެ.

އއ. އުކުޅަހުގައި ޕީއެންސީން ބޭއްވި ޖަލްސާގައި ވާހަކަ ދައްކަވަމުން ޝުޖާއު ވިދާޅުވީ އެމްޑީޕީ ވެރިކަމުގައި މާލީ ތަފާސްހިސާބު އާންމުނުކުރާތާ ހަ މަސްދުވަސްވެފައިވާ ކަމަށެވެ. އަދި ސަރުކާރުގެ ކުންފުނިތަކުގެ މާލީ ހިސާބުތައް ވެސް އާންމު ނުކުރާ ކަމަށް ޝުޖާއު ވިދާޅުވި އެވެ.

Ad by Hajj Corporation

ޝުޖާއު ވިދާޅުވީ މި މާލީ ހިސާބުތައް ހޯދަން މަސައްކަތް ކުރުމުން ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަޒަލްކުރަން އެމްޑީޕީން މަސައްކަތްކޮށްފައިވާ ކަމަށެވެ. އަދި އެހިސާބުން ގައުމު އިސްލާހު ކުރުމުގެ މަސައްކަތް ފަށާފައިވާ ކަމަށް ވެސް ޝުޖާއު ފާހަގަ ކުރެއްވެވި އެވެ.

އޭނާ އިތުރަށް ވިދާޅުވީ އެމްޑީޕީއާ ވެރިކަން ހަވާލުކުރިއިރު ދިވެހިރާއްޖޭގައި އެއްބިލިޔަން ރުފިޔާ ހުންނާނެ ކަމަށެވެ. އަދި އެފައިސާއަކީ ރައީސް މުއިއްޒާއި ޕީއެންސީ އިސްސަފުގައި ތިބި ފަރާތްތަކުން ހޯއްދެވި ފައިސާ ކަމަށް ވެސް ޝުޖާއު ވިދާޅުވި އެވެ.