ރާއްޖޭގެ ފަތުރުވެރިކަމުގެ ދާއިރާގައި ހަރަކާތްތެރިވާ ރާއްޖެއިން ބޭރުގެ ފަރާތްތަކުން މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) މެދުވެރިކޮށް ޖީއެސްޓީއަށް ރަޖިސްޓްރީވުމަށް އެ އޮތޯރިޓީން އަންގައިފި އެވެ.

ޑެސްޓިނޭޝަން ޕްރިންސިޕަލާ އެއްގޮތަށް އޮކްޓޯބަރު މަހުގެ 1 ވަނަ ދުވަހުން ފެށިގެން މި ޓެކުސް ނެގުމަށް ޤާނޫނުގައި ވަނީ ބަޔާންކޮށްފައެވެ. މުދަލާއި ޚިދުމަތުގެ އަގުން ޓެކުސް ނެގުމުގެ ޤާނޫނަށް ގެނެވުނު އިސްލާހުގެ ދަށުން، ރާއްޖެއިން ބޭރުގައި ހަރަކާތްތެރިވާ ބުކިންގ ޕްލެޓްފޯމުތަކާއި، ޓުއަރ އޮޕަރޭޓަރުންނާއި، ޓްރެވަލް އެޖެންޓުންގެ އިތުރުން އޮންލައިން ޓްރެވަލް އެޖެންސީތަކާއި، ބެޑް ބޭންކުތަކާއި، އެކޮމޮޑޭޝަން ހޯލްސޭލްކުރާ ފަރާތްތަކާއި، ޑެސްޓިނޭޝަން މެނޭޖްމަންޓް ކުންފުނިތަކާއި ޗާޓަރު އޮޕަރޭޓަރުން ވެސް މި ޤާނޫނުގެ ދަށުން ޖީއެސްޓީއަށް ރަޖިސްޓްރީވާންޖެހޭނެއެވެ.

Ad by Hajj Corporation

މިފަދަ ފަރާތްތަކުން ރަޖިސްޓްރީވުމުގެ ކަންތައްތައް ކުރިއަށް ގެންދަންޖەހެނީ މީރާގެ ވެބްސައިޓުގައިވާ ޕޯޓަލް މެދުވެރިކޮށެވެ. ރަޖިސްޓްރީވުމާއެކު ޖީއެސްޓީ ޓިން ނަމްބަރު ހިމެނޭ ސެޓްފިކެޓެއް ލިބޭނެ ކަމަށާއި، މީރާ-ކަނެކްޓް މެދުވެރިކޮށް ޓެކުހާ ގުޅުންހުރި ކަންކަން ކުރިއަށް ގެންދެވޭނެ އިންތިޒާމު ހަމަޖެހިގެންދާނެ ކަމަށް މީރާއިން ހާމަކޮށްފައިވެއެވެ. އަދި ބޭރުގައި ތިބި ފަރާތްތަކަށް ދިމާވާ ސުވާލުތަކާއި ކަންބޮޑުވުންތަކަށް ޖަވާބުދިނުމަށްޓަކައި internationalhelpdesk@mira.gov.mv ގެ ނަމުގައި ޚާއްސަ އީމޭއިލެއްވެސް ވަނީ ތައާރަފްކޮށްފައެވެ.