މިއީ ރައީސް ޑރ. މުހައްމަދު މުޢިއްޒު ދެވަނަ ދައުރަކަށް އިންތިޚާބުކޮށް ދިނުމަށް މުޅި ޕީއެންސީއެކުގައި ކަމަރު ބަނުމަށް މަޖިލީހުގެ ރައީސް، ޕީއެންސީގެ ޗެއާޕާސަން އަބުދުއްރަޙީމް ޢަބުދުﷲ މިރޭ ގޮވައިލައްވައިފިއެވެ.

ކޮންގްރެސް ޕާޓީގެ މަތީ މަޖިލިސް ރަސްމީކޮށް ފެށުމަށް މިހާރު މާލޭ ސޯޝަލް ސެންޓަރުގައި ކުރިއަށްދާ ޖަލްސާގައި ވާހަކަދައްކަވަމުން އަބުދުއްރްޙީމް ވިދާޅުވީ، ޕީއެންސީ ފިކުރުން މިހާހިސާބަށް އައިއިރު ބޭއްވުނު ކޮންގްރެސްތަކުގައި ރައީސް މުޢިއްޒު ފިޔަވާ ކޮންގްރެސްއެއްގެ ހުރިހާ މަންދޫބުންނާ ބައްދަލުކުރެއްވި ލީޑަރަކު ނެތް ކަމަށެވެ.

Ad by Hajj Corporation

މިގޮތުން އަބުދުއްރަހީމް އިޝާރާތްކުރެއްވީ ޕީއޭއާއި، ޕީޕީއެމް އަދި ޕީއެންސީން ބޭއްވި ކޮންގްރެސްތަކަށެވެ.

‘’ޕީއޭގެ ކޮންގްރެސްއަކާއި، ޕީޕީއެމްގެ ދެ ކޮންގްރެސް އަދި ޕީއެންސީގެ ދެ ކޮންގްރެސް ތަޖުރިބާކުރި މީހެއްގެ ހައިސިއްޔަތުން އަޅުގަނޑު މިހެން މިދެއްނެވީ’’ އަބުދުއްރަހީމް ވިދާޅުވިއެވެ:

އޭނާ ވަނީ ދެ ދިމާލަކަށް، ދެ ފިކުރަކަށް ނުބެލުމަށް މެމްބަރުންގާތު އެދި ވަޑައިގަންނަވާފައެވެ. އަދި ބަލަންވީ އެއް ދިމާއަށް، އެއް ދިކުރަކަށް ކަމަށާއި އެއީ ޕީއެންސީ ފިކުރަށް ކަމަށް ވިދާޅުވިއެވެ.

އަބުދުއްރަޙީމް ވިދާޅުވީ މިއީ މުޅި ޕީއެންސީގެ ފިކުރު އެކުގައި ރައީސް މުޢިއްޒަށް ދެވަނަ ދައުރު ހޯދައިދިނުމަށް ކަމަރު ބަނދެ، އެ އަޒުމްގައި މަސައްކަތް ކުރަންވީ ވަގުތުކަމަށް ވިދާޅުވެފައެވެ.