ވެރިކަން ކުރާ މައި ޕާޓީ، ޕީޕަލްސް ނެޝަނަލް ކޮންގްރެސް (ޕީއެންސީ) ގެ ރަސްމީ އައު ވެބްސައިޓް ރޭ ރަސްމީކޮށް އިފްތިތާހުކޮށްފިއެވެ.

މި ވެބްސައިޓް އިފްތިތާހުކޮށްދެއްވީ ރޭ ބޭއްވި ކޮންގްރެސް ޕާޓީގެ ސެނެޓް (މަޖިލީހުގެ) ބައްދަލުވުން ނިންމުމުގެ ރަސްމިއްޔާތުގައި، އެ ޕާޓީގެ ރައީސް އަދި ރައީސުލްޖުމްހޫރިއްޔާ ޑރ. މުހައްމަދު މުޢިއްޒުއެވެ.

Ad by Hajj Corporation

އަލަށް ފަރުމާކޮށް އިފްތިތާޙުކުރި މި ވެބްސައިޓަކީ އެންމެ ފަހުގެ ޒަމާނީ ވަސީލަތްތަކާއި ފީޗާސްތައް ހިމަނައިގެން ތައްޔާރުކޮށްފައިވާ ވަރަށް ފުރިހަމަ ޕޯޓަލްއެކެވެ. މި ވެބްސައިޓް މެދުވެރިކޮށް ޕާޓީގެ ހަބަރުތަކާއި، ހަރަކާތްތަކުގެ އިތުރުން މެންބަރުންނަށް ބޭނުންވާ މުހިންމު ހިދުމަތްތައް ފަސޭހަކަމާއެކު ލިބިގެންދާނެއެވެ.

ދިވެހިރާއްޖެ ޑިޖިޓަލް ނިޒާމަކަށް ފައްކާކޮށް، ޓެކްނޮލޮޖީގެ ގޮތުން ކުރިއެރުވުމަކީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ރިޔާސީ ވަޢުދުފުޅެކެވެ. އެމަނިކުފާނުގެ މި ތަސައްވުރާ އެއްގޮތަށް، ސަރުކާރުގެ އިދާރާތަކާއި ޕާޓީގެ ހިންގުން ޑިޖިޓަލައިޒް ކުރުމުގެ މުހިންމު ގިނަ މަސައްކަތްތަކެއް މިހާރު ވަނީ ފަށާފައެވެ.