ހުޅުމާލޭގެ ދުވާރުގައި ޤަވާއިދާ ޚިލާފަށް އުޅަނދު ޕާކްކުރާނަމަ ފިޔަވަޅު އަޅާނެކަމަށް ފުލުހުން ބުނެފިއެވެ.

ފުލުހުން ބުނީ، ހުޅުމާލޭގެ މަގުތަކުގައި ހިނގާބިނގާވެ އުޅޭ މީހުންނަށް ޚާއްސަކޮށްފައިވާ ދުވާރުތަކުގައާއި، އާންމު ދަތުރުފަތުރަށް ދަތިވާގޮތަށް އުޅަނދު ޕާކުކުރުން އިތުރުވަމުންދާކަން ފާހަގަކުރެވިފައިވާ ކަމަށެވެ.

އަދި މިގޮތަށް އުޅަނދު ޕާކުކުރުމަކީ ނުރައްކާތެރި އެކްސިޑެންޓުތައް ހިނގަން މެދުވެރިވާ ކަމަކަށްވާތީ، އާންމު ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރުމުގެ ގޮތުންނާއި މަގުމަތީގެ އަމާންކަން ދެމެހެއްޓުމަށްޓަކައި، އެފަދަ ސަރަހައްދުތަކުގައި އުޅަނދު ޕާކު ނުކުރުމަށް އެންމެހައި ފަރާތްތަކަށް ދިވެހި ފުލުހުންގެ ޚިދުމަތުން ވަނީ ޢިލްތިމާސް ކުރައްވާފައެވެ. އަދި މިގޮތަށް ޕާކުކޮށްފައި ހުންނަ އުޅަނދުތަކާމެދު ފިޔަވަޅު އަޅަމުންގެންދާނެ ކަމަށް ފުލުހުން ބުނެފައިވެއެވެ.

Ad by Hajj Corporation

މިފަދަ ފިޔަވަޅުތައް އެޅުމުގެ މަޤުސަދަކީ މަގުތަކަކީ، އެންމެންނަށް ރައްކާތެރި ތަނަކަށް ހެދުމާއި ނުރައްކާތެރި ހާދިސާތައް ހުއްޓުވުމެވެ.