ފެނަކައާއި އާރުޑީސީ އުވާލަން ލަސްވެއްޖެ ކަމަށާއި ދ. ކުޑަހުވަދޫގައި 12 މިލިޔަން ރުފިޔާދީގެން ފެން ހިޔާނުވާ ޓިނު އިމާރާތެއް ފެނަކައިން އެޅި ކަމަށް ކުޑަހުވަދޫ ދާއިރާ މެމްބަރު ހުސެއިން ހަމީދު ވިދާޅުވެއްޖެ އެވެ.

މެންދުރު ޓީވީގެ މައުލޫ ޕްރޮގްރާމްގައި ވާހަކަ ދައްވަމުން ހުސެއިން ވިދާޅުވީ ފެނަކައާއި އާރުޑީސީއަކީ އަމިއްލަ ފައިމަޗަށް ނުތެދުވެވޭ ވަރަށް ކުރީ ސަރުކާރުން ދަރުވާލާފައިވާ ދެކުންފުނިން ކަމަށެވެ. އަދި އެ ދެކުންފުނިން ކުރި ކަމެއް ފެންނަން ނެތް ކަމަށް ވެސް ހުސެއިން ވިދާޅުވި އެވެ. އޭގެ ބަދަލުގައި މި ސަރުކާރު އައިފަހުން ދ. އަތޮޅުގައި ޖަނަރޭޓަރެއް ނުލާ އެންމެ ރަށެއް ނުހުންނާނެ ކަމަށް ވެސް ހުސެއިން ފާހަގަ ކުރެއްވެވި އެވެ.

Ad by Hajj Corporation

ހުސެއިން ވިދާޅުވީ އާރުޑީސީއަކީ ތަކުރާރުކޮށް ތިޖޫރީ ގެއްލިފައިވާ ކުންފުންޏެއް ކަމަށާއި ތިޖުރީއެއް ނެތް ކުންފުންޏެއް މީހާ ދުވަހު ގެންގުޅުނު ކަމަށްޓަކައި ވެސް ޝުކުރުއަދާ ކުރަންޖެހޭ ކަމަށެވެ.

ރައީސުލް ޖުމްހޫރިއްޔާ ޑރ. މުހައްމަދު މުއިއްޒު ވަނީ އާރުޑީސީ އުވާލާ މުވައްޒަފުން އެމްޓީސީސީގެ ދަށަށް ގެނައުމަށް ނިންމާފަ އެވެ. އަދި ފެނަކަ އުވާލުމަށް ފަހު އެކުންފުނީގެ މުވައްޒަފުން ސްޓްލެކޯގެ ދަށަށް ގެނައުމަށް ވެސް ރައީސް ވަނީ ނިންމަވާފަ އެވެ.