މެޖޯރިޓީ ދިވެހިން ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަށް އިތުބާރުކުރާ ކަމަށާއި ދީނާ ހިލާފު އެއްވެސް ކަމަކަށް އެމަނިކުފާނު ފުރުސަތު ނުދެއްވާ ކަމަށް ރައްޔިތުން މަޖިލީހުގެ މިލަންދޫ ދާއިރާ މެމްބަރު ހަސަން މުފީދު ވިދާޅުވެއްޖެ އެވެ.

މެންދުރު ޓީވީގެ މައުލޫ ޕްރޮގްރާމްގައި ވާހަކަ ދައްކަވަމުން މުފީދު ވިދާޅުވީ އިޒްރޭލް ޕާސްޕޯޓްގައި ރާއްޖެ އަށް އެތެރެ ނުވެވޭގޮތަށް ނިންމަންކެރުނު ހަމައެކަނި ރައީސް އަކީ ޑރ. މުހައްމަދު މުއިއްޒު ކަމަށެވެ. އަދި އެމަނިކުފާނު ދިވެހި ރައްޔިތުންނަށް ގެއްލުންވާނެފަދަ އެއްވެސް ކަމެއް ނުކުރައްވާނެ ކަމަށް ވެސް މުފީދު ވިދާޅުވި އެވެ.

Ad by Hajj Corporation

މުފީދު ވިދާޅުވީ އިދިކޮޅު ފަރާތްތަކުން އީގަލް ހިލްސް މަޝްރޫއު ފެއިލްކޮށްލަން ބޭނުންވަނީ އެ މަޝްރުއޫ ރާއްޖޭގައި ހިންގައިފިއްޔާ އެ ފަރާތްތަކަށް ވެރިކަމަށް ދެން ނާދެވޭނެ ކަމުގެ ބިރު ހީވެގެން ކަމަށެވެ.

 އިދިކޮޅު ފަރާތްތަކުން ދިވެހި ރައްޔިތުންނަށް ކިތަންމެ ބޮޑު ގެއްލުމެއްވީ ނަމަވެސް ފަރުވާލެއް ނެތް ކަމަށް ދޭހަވާ ގޮތަށް ސޯޝަލް މީޑިއާ އެކި ޕްލެޓްފޯމްތަކުގައި ބަސްމަގު ތަރުތީބު ކުރަމުންދާ ކަމަށް ވެސް މުފީދު ވިދާޅުވި އެވެ. ރައީސް މުއިއްޒުގެ ތަފާތަކީ ދިވެހި ރައްޔިތުންގެ ފައިދާއާ ލާބައަށް ކަންކަން ތަރުތީބުކުރުން ކަމަށް ވެސް އޭނާ ފާހަގަ ކުރެއްވެވި އެވެ.