މި ސަރުކާރުގައި ޤައުމަށް ކުރިއެރުން ގެންނަން ރައީސުލްޖުމްހޫރިއްޔާ ޑޮކްޓަރު މުހައްމަދު މުއިއްޒު ކުރައްވަމުންގެންދަވާ މަސައްކަތްޕުޅު ފެނި އެކަން އިދިކޮޅު ފަރާތްތަކަށް ހަޖަމު ނުކުރެވޭ ކަމަށް ކުރީގެ އިހަވަންދޫ ދާއިރާގެ މަޖްލިސް މެމްބަރު މުހައްމަދު އަބްދުﷲ (މުހަައްމާ) ވިދާޅުވެއްޖެއެވެ.

ރަސްމާލޭގައި އީގަލް ހިލްސް އިން ހިންގަން ނިންމާފައިވާ މަޝްރޫއުއާ ގުޅޭގޮތުން މެންދުރު ޓީވީގެ މައުުޟޫއު ޕްރޮގްރާމުގައި ކުރި ސުވާލަށް ޖަވާބު ދެއްވަމުން މުހައްމަދު އަބްދުﷲ ވިދާޅުވީ އެ މަޝްރޫއުއަކީ އެއީ މިހާތަނަށް ރާއްޖޭގައި ހިންގާ އެންމެ ވަރުގަދަ އިންވެސްޓުމަންޓު ކަމަށެވެ. އެ އެއިންވެސްޓްމެންޓުން ރާއްޖެއަށް ތަރައްގީ އަންނާނެތީ އެކަމާ އިދިކޮޅު ފަރާތްތަކުން ތިބީ ވަރަށް ބޮޑަށް ކަންބޮޑުވެފައި ކަމަށް ވިދާޅުވިއެވެ. މުހައްމަދު އަބްދުﷲވިދާޅުވިގޮތުގައި މި ސަރުކާރުގައި ޤައުމަށް ކުރިއެރުން ގެންނަން ރައީސުލްޖުމްހޫރިއްޔާ ކުރައްވަމުންގެންދަވާ މަސައްކަތްޕުޅު ފެނި އެކަން އިދިކޮޅު ފަރާތްތަކަށް ހަޖަމު ނުކުރެވޭ ކަމަށެވެ.

Ad by Hajj Corporation

މުހައްމަދު އަބްދުﷲ ފާހަގަކުރެއްވީ ރައީސް މުއިއްޒަށް ދެވަނަދައުރެއް ލިބިދާނެތީ އެކަމާ އިދިކޮޅު ފަރާތްތަކުން ތިބެނީ ބިރުން ކަމަށެވެ. އަދި އެބޭފުޅުން ވެރިކަމަށް އަންނަން ވަރަށް މަސައްކަތް ކުރާކަން މުހައްމަދު އަބުދުﷲ ފާހަގަކުރެއްވިއެވެ.

ރަސްމާލޭ މަޝްރޫއުއަށް އަލިއަޅުއްވާލައްވަމުން މުހައްމަދު އަބްދުﷲ ވިދާޅުވީ މިހާތަނަށް ރާއްޖޭގެ ތާރީހުގައި ވެސް އެއްވެސް ރައީސަކަށް މިފަދަ ބިޔަ މަޝްރޫއެއް ރާއްޖެ ގެނެވިފައި ނުވާ ކަމަށެވެ. މުހައްމަދު އަބްދުﷲ ގެ ވާހަކައިގައި އެމްޑީޕީގެ ވެރިކަން ނިމުނުއިރު ޤައުމު ވެއްޓިފައޮތް އަދަވަޅުން ސަލާމަތްކޮށް ދިނުމަށްފަހު، މިވަރުގެ ބިޔަ މަޟްރޫއެއް ކުރިއަށް ގެންދަވަން ރައީސް ނިންމެވީތީ އެމަނިކުފާނަށް ޝުކުރު ދެންނެވިއެވެ.