ދެކުނުގެ އަތޮޅުގެ ރަށެއްގައި 22 އަހަރުގެ އަންހެނަކާއި ކުޑަކުދިންތަކަކަށް ޖިންސީ ގޯނާ ކުރި މައްސަލައާ ގުޅިގެން ހައްޔަރު ކުރި މީހުންގެ ވަނަވަރު އާންމުކޮށްފި އެވެ.

މި މައްސަލައާ ގުޅިގެން ހައްޔަރުކޮށްފައިވަނީ

Ad by Hajj Corporation

• މުޙައްމަދު މައިސަން ޝިޔާޒު (21އ)
• އަޙްމަދު އިފްތިޝާމް ޒަރީރު (24އ)
• ނަޖުމުﷲ ޙަސަން (35އ)
• ޢާޒިމް މުފީދު (24އ)
• ޢަލީ ޙުޒާމް ސަޢީދު (31އ)
• މުޙައްމަދު ޞާލިޙު އަޙްމަދު (26އ)
• އަޙްމަދު ނޫޙު ނިޔާޒު (20އ)
• މުޙައްމަދު މިޝަލް އަޙްމަދު ޒުހައިރު (20އ)
• އަޙްމަދު ޞާނިޖު ޞާދިޤު (32އ)

މިމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން، މުޙައްމަދު ޞާލިޙު އަޙްމަދާއި، މުޙައްމަދު މިޝަލް އަޙްމަދު ޒުހައިރާއި، ނަޖުމުﷲ ޙަސަން އަދި އަޙްމަދު ނޫޙު ނިޔާޒު 5 ދުވަހަށް ބަންދުކުރުމަށް ވަނީ އަމުރުކޮށްފަ އެވެ.

މީގެއިތުރުން މުޙައްމަދު މައިސަން ޝިޔާޒު 10 ދުވަހަށް، ޢާޒިމް މުފީދު 15 ދުވަހަށް، އަޙްމަދު ޞާނިޖު ޞާދިޤު 30 ދުވަހަށް ބަންދުކުރަން އަމުރުކުރިއިރު، އަޙްމަދު އިފްތިޝާމް ޒަރީރު އާއި ޢަލީ ޙުޒާމް ސަޢީދު ބަންދުކުރަން އަމުރުކޮށްފައިވަނީ 90 ދުވަހަށެވެ.

ދެކުނުގެ އަތޮޅުގެ ރަށެއްގައި މި މައްސަލަ ފެންމަތިވެގެން އެކަން ފުލުހުންނަށް ރިޕޯޓްކޮށްފައިވަނީ މިމަހުގެ 20 ވަނަ ދުވަހުއެވެ.

ފުލުހުން އޭރު ބުނީ މި މައްސަލައިގެ ތަހުގީގުގެ ތެރެއިން، ކުޑަކުދިންނަށް ޖިންސީ ގޯނާކޮށް އެ ކުދިން އެކްސްޕްލޮއިޓްކޮށްފައިވާ ކަމަށް ތުހުމަތު ކުރެވޭ މައްސަލަތަކެއް ފާހަގަވެފައިވާ ކަމަށެވެ. މި މައްސަލައާއި ގުޅުން ހުރި އެކަކު އެ ދުވަހު ފުލުހުންގެ ބެލުމުގެ ދަށަށް ގެންގޮސްފައިވާއިރު، އިއްޔެ މި މައްސަލައިގެ ތުހުމަތުގައި 9 މީހަކު ވަނީ ހައްޔަރުކޮށްފައެވެ.

އެ މައްސަލަ ފެންމަތިވި ރަށުން އެމީހުން ހައްޔަރުކޮށްފައިވާއިރު، އެ މައްސަލައިގެ ތަހުގީގަށް މާލޭން ހާއްސަ ތަހުގީގު ޓީމެއް ވެސް ވަނީ އެރަށަށް ގޮސްފައެވެ.

މައްސަލައިގެ ތަހުގީގަށް މާލެއިން ހާއްސަ ޓީމެއް އެ ރަށުގައި ދަނީ ހަރަކާތްތެރި ވަމުންނެވެ.