މޯލްޑިވްސް ނެޝަނަލް ޔުނިވަސިޓީ (އެމްއެންޔޫ) އިން ޕާކިސްތާނުގެ ފަސް ޔުނިވަސިޓީއަކާއެކު އެއްބަސްވުންތަކެއްގައި ސޮއިކޮށްފިއެވެ.

އެމްއެންޔޫ އިން ސޮއިކުރީ ޕާކިސްތާނުގެ ނެޝެނަލް ޔުނިވާސިޓީ އޮފް ސައިންސަސް އެންޑް ޓެކްނޮލޮޖީ އާއި، ޕީއެމްއޭސްއެސް-އެރިޑް އެގްރިކަލްޗާ ޔުނިވާސިޓީ ރާވަލްޕިންޑީ އާއި، ޔުނިވާސިޓީ ވާހު އާއި، ގަވަރުމަންޓް ކޮލެޖު ޔުނިވާސިޓީ ލާހޯރްގެ އިތުރުން ފައުންޑޭޝަން ޔުނިވަސިޓީ އިސްލާމްއާބާދުއާ އެކު އެވެ.

ޕާކިސްތާންގައި އިއްޔެ އޮތް ރަސްމިއްޔާތެއްގައި އެ ޔުނިވަސިޓީތަކާ އެކު އެމްއެންޔޫގެ ފަރާތުން ސޮއިކުރެއްވީ ވައިސް ޗާންސެލާ ޑރ. އައިޝަތު ޝެހެނާޒެވެ.

އެމްއެންޔޫ އިން ބުނީ މި އެއްބަސްވުންތަކުގެ ދަށުން އެމްއެންޔޫއާއި ޕާކިސްތާންގެ ޔުނިވަސިޓީތަކާ ގުޅިގެން ދިރާސާތައް ކުރުމާއި، މާސްޓާސް ޕްރޮގްރާމްތަކާއި އަދި ސްޓޫޑަންޑް އެކްސްޗޭންޖްގެ ކަންކަމަށް މަގުފަހި ކުރެވޭނެ ކަމަށެވެ.

އެމްއެންޔޫގެ ގާބިލްކަން އިތުރުކޮށް ރާއްޖެ އާއި ޕާކިސްތާނާ ދެމެދު ތައުލީމީގޮތުން އިތުރަށް ގުޅުންތައް ވަރުގަދަ ކުރެވޭނެ ކަމަށްވެސް އެމްއެންޔޫ އިން މައުލޫމާތު ދީފައިވެ އެވެ.

އެމްއެންޔޫ އިން ޕާކިސްތާނުގެ ފަސް ޔުނިވަސިޓީއަކާއެކު އެއްބަސްވުންތަކެއްގައި ސޮއިކޮށްފައި މިވަނީ ނިމިދިޔަ ހަފްތާގެ ތެރޭގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ޕާކިސްތާނަށް ރަސްމީ ދަތުރުފުޅެއް ކުރައްވާފައި ވަނިކޮށެވެ.

Ad by Hajj Corporation