'ޒަކާތް ނެރުމާއި ބެހުމުގައި ޢަމަލުކުރާނެ ގޮތުގެ ޝަރުޢީ އަސާސުތަކާއި މިންގަނޑުތައް’ ގެ ދެވަނަ އިޞްދާރުގެ މައްޗަށް އަހުލުވެރިކުރުމުގެ ތަމްރީނު ޕުރޮގުރާމެއް އެ އިދާރާގެ މުވައްޒަފުންނަށް ފަށައިފިއެވެ.

މި ޕްރޮގްރާމްގެ މަޤްސަދަކީ މޯލްޑިވްސް ޒަކާތު ހައުސްގެ މުވައްޒަފުންގެ މަޢުލޫމާތު މުއްސަނދިކޮށް، އެ އިދާރާގެ މަސައްކަތްތަކުގައި އިސްލާމީ އުޞޫލުތައް އެއްގޮތަކަށް ތަންފީޛުކުރުން ކަށަވަރުކުރުމެވެ.

Ad by Hajj Corporation

މި ތަމްރީނު ޕުރޮގުރާމް ކުރިއަށް ގެންދިއުމަށް ހަމަޖެހިފައިވަނީ ހަ ސެޝަނަކަށް ބަހާލައިގެންނެވެ. މި ސެޝަންތަކުގައި ޒަކާތް ނެގުމާއި ބެހުމާ ގުޅޭ ޝަރުޢީ އުޞޫލުތަކާއި، މިންގަނޑުތަކާއި އިރުޝާދުތަކަށް އަލިއަޅުވާލެވޭނެއެވެ.

މި ސެޝަންތައް ނަންގަވައިދެއްވާނީ ފުރަތަމަ ސެޝަން ނަންގަވައިދެއްވި އައްޝައިޚް ޢިއްޒުއްދީން އަދުނާންގެ އިތުރުން، މޯލްޑިވްސް ޒަކާތު ހައުސްގެ ޑިރެކްޓަރ ޖެނެރަލް އައްޝައިޚް އިމްތިޠާއު ޢައްބާސް އަދި އެކްޓިންގ ޑެޕިއުޓީ ޑިރެކްޓަރ ޖެނެރަލް އައްޝައިޚް މޫސާ މުޢިއްޒެވެ.