އިސްލާމީކަންތައްތަކާއި އައުޤާފާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު، ސިވިލް ސަރވިސް ކޮމިޝަނާއި ބައްދަލުކުރައްވައިފިއެވެ.

ބުރާސްފަތި ދުވަހު އިސްލާމީކަންތައްތަކާއި އައުޤާފާ ބެހޭ ވުޒާރާގައި ބޭއްވުނު މި ބައްދަލުކުރެއްވުމުގައި އެ ކޮމިޝަނުގެ ރައީސް އަލްއުސްތާޛް މުޙައްމަދު މުޖުތާޒާއި ކޮމިޝަނުގެ މެމްބަރުންނާއި އިސްވެރިން ވަނީ ބައިވެރިވެލައްވާފައެވެ. އަދި މި ބައްދަލުކުރެއްވުމުގައި އިސްލާމީކަންތައްތަކާއި އައުޤާފާ ބެހޭ ވުޒާރާގެ އިސްވެރިން ވަނީ ބައިވެރިވެލައްވާފައެވެ.

Ad by Hajj Corporation

މި ބައްދަލުކުރެއްވުމުގައި އެ ވުޒާރާއަށް މުވައްޒަފުން ނެގުމާ ގުޅޭގޮތުންނާއި، ސިވިލް ސަރވިސް މުވައްޒަފުން މެދުވެރިކޮށް ދެމުންދާ ޚިދުމަތްތައް ހަރުދަނާ ކުރުމަށާއި، ދިވެހި ސިވިލް ސަރވިސްގެ ކުރިއެރުމާއި ތަރައްޤީއާއި ގުޅޭ ގޮތުން ފުޅާ ދާއިރާއެއްގައި މަޝްވަރާ ކުރައްވާފައިވާ ކަމަށް އިސްލާމީކަންތައްތަކާއި އައުޤާފާ ބެހޭ ވުޒާރާ އިން ވަނީ ބުނެފައެވެ.