އިޓަލީ ބަލިކޮށް ބެލްޖިއަމް ނޭޝަންސް ލީގުގެ ކުއާޓާ ފައިނަލަށް
16 ނޮވެމްބަރު 2026 - 03:30

ޔުއެފާ ނޭޝަންސް ލީގުގެ ގްރޫޕް އޭ1 ގައި ފަހަތުން އަރައި 4-1 އިން އިޓަލީ ބަލިކޮށް، މުބާރާތުގެ ކުއާޓާ ފައިނަލުގެ ޖާގައެއް ބެލްޖިއަމް ކަށަވަރުކޮށްފިއެވެ. މި ނަތީޖާއާއެކު ބެލްޖިއަމް ވަނީ ގްރޫޕުގެ ދެވަނައަށް ޖެހިލައި، އިޓަލީ މުބާރާތުން ކަޓުވާލާފައެވެ.
ބްރަސަލްސްގައި ކުޅުނު މި މެޗުގެ 11 ވަނަ މިނެޓުގައި ފްރެންޗެސްކޯ އެސްޕޮސިޓޯގެ ލަނޑުން އިޓަލީން ކުރިހޯދިއެވެ. ނަމަވެސް، ފުރަތަމަ ހާފުގެ 11 މިނެޓު ތެރޭގައި މެކްސިމް ޑި ކުއިޕާ، ނަތަން އެންގޯއީ އަދި ޖެރެމީ ޑޮކޫ ޖެހި ލަނޑުތަކުން ބެލްޖިއަމް ވަނީ ނަތީޖާ އަނބުރާލާފައެވެ. މެޗުގެ 80 ވަނަ މިނެޓުގައި ޑިއެގޯ މޮރެއިރާ ބެލްޖިއަމްގެ ހަތަރުވަނަ ލަނޑު ކާމިޔާބުކުރިއެވެ.
.png&w=750&q=75)
Ad by Hajj Corporation
މެޗުގެ ފަހުކޮޅު އިޓަލީއަށް ލިބުނު ޕެނަލްޓީ އެސްޕޮސިޓޯ ފޮނުވާލުމުން ބެލްޖިއަމްގެ ކީޕަރު ސެން ލަމެންސް ވަނީ މޮޅަށް ދިފާއުކޮށްފައެވެ. މެޗު އެއްވަރުކޮށްލައިގެން ވެސް ކުއާޓާއަށް ދެވެން އޮތް އިޓަލީ މި ބައްޔާއެކު ގްރޫޕް ނިންމާލަން ޖެހުނީ ތިންވަނައިގައެވެ. މި ގްރޫޕުގެ އެއްވަނަ ހޯދީ ފްރާންސެވެ.

-01.jpg&w=3840&q=75)
