އިމިގްރޭޝަންގެ އާ ބިލުގައި "ރެސިޑެންޓް ވިސާ" ހިމަނާފައިނުވާނެ: އިހުސާން
16 ނޮވެމްބަރު 2026 - 12:47

ސަރުކާރުން ރައްޔިތުންގެ މަޖިލީހަށް ހުށަހަޅާފައިވާ އިމިގްރޭޝަންގެ މުޅިން އާ ބިލުގައި "ރެސިޑެންޓް ވިސާ" ގެ ނަމުގައި އެއްވެސް ވިސާއެއް ނުހިމެނޭނެ ކަމަށް ހޯމް މިނިސްޓަރު އަލީ އިޙުސާން ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ، އިމިގްރޭޝަން ގާނޫނަށް ރެސިޑެންސް ވިސާ ހިމެނޭ ގޮތަށް އިސްލާހެއް ގެންނަ ކަމަށް ބުނެ ސޯޝަލް މީޑިއާގައި ބައެއް ފަރާތްތަކުން ހަބަރު ފަތުރަމުންދާތީ، އެކަން ދޮގުކުރައްވައި ސޯޝަލް މީޑިއާގައި ހިއްސާކުރެއްވި ޕޯސްޓެއްގައެވެ.
.png&w=750&q=75)
Ad by Hajj Corporation
އެމަނިކުފާނު ވިދާޅުވިގޮތުގައި، ސޯޝަލް މީޑިއާގައި ދައުރުވަމުން ދަނީ އެއްވެސް އަސްލެއް ނެތް ވާހަކަތަކެކެވެ. އަދި އެއީ މޯލްޑިވްސް އިމިގްރޭޝަނުން ގާނޫނަށް ގެނައުމަށް އެއްވެސް އިރެއްގައި ވިސްނާފައިވެސްވާ އިބާރާތްތަކެއް ނޫން ކަމަށް މިނިސްޓަރު ވިދާޅުވި އެވެ.
ރައްޔިތުންނާ ގުޅުންހުރި މިފަދަ ހައްސާސީ ކަންކަމުގައި ދޮގު އަދި ބުހުތާނު ވާހަކަތައް ނުފެތުރުމަށް މިނިސްޓަރު ވަނީ ހުރިހާ ފަރާތްތަކަކަށް އިލްތިމާސްކުރައްވާފައެވެ.
މިމަހުގެ 9 ވަނަ ދުވަހު މަޖިލީހަށް ހުށަހެޅި 50 ސޮފުހާގެ މި ބިލުގެ މައިގަނޑު މަގުސަދަކީ މޯލްޑިވްސް އިމިގްރޭޝަންގެ ނަމުގައި މަދަނީ ވަކި ހިދުމަތެއް ގާއިމުކުރުމާއި، ރާއްޖެއަށް މީހުން އައުމާއި ފުރުމުގެ އުސޫލުތައް ހަރުދަނާކުރުމެވެ. މީގެއިތުރުން ދިވެހިންނަށް ޕާސްޕޯޓު ދޫކުރުމާއި، ގާނޫނާ ހިލާފަށް ރާއްޖޭގައި އުޅޭ ބިދޭސީން ޑީޕޯޓްކުރުމާ ގުޅޭ އުސޫލުތައްވެސް މި ބިލުގައި ވަނީ ކަނޑައަޅާފަ އެވެ.

-01.jpg&w=3840&q=75)
