ޑެކްލަން ރައިސް އާސެނަލްގެ އެއްބަސްވުން އާކުރަން ނިންމައިފި
17 ނޮވެމްބަރު 2026 - 06:08

އާސެނަލްގެ މެދުތެރެއަށް ކުޅޭ މުހިންމު ކުޅުންތެރިޔާ ޑެކްލަން ރައިސް، އެ ކްލަބާއެކު 5 އަހަރު ދުވަހުގެ އާ އެއްބަސްވުމެއް ހެދުމަށް އެއްބަސްވެއްޖެއެވެ.
ދަ އެތުލެޓިކްގެ ޑޭވިޑް އޯންސްޓީން ރިޕޯޓްކޮށްފައިވާ ގޮތުގައި، ރައިސްގެ މިހާރުގެ އެއްބަސްވުން 2028 ވަނަ އަހަރު ހަމަވާން އޮތް ނަމަވެސް، ކުރިއަށް އޮތް މަދު ދުވަސްކޮޅެއްގެ ތެރޭގައި އޭނާ މި އާ އެއްބަސްވުމުގައި ރަސްމީކޮށް ސޮއިކުރާނެ ކަމަށް ބެލެވެއެވެ. މި އާ އެއްބަސްވުމާއެކު، އޭނާ ވެގެންދާނީ އެމިރޭޓްސް ސްޓޭޑިއަމްގައި އެންމެ ބޮޑު މުސާރައެއް ލިބޭ އެއް ކުޅުންތެރިޔާއަށެވެ.
.png&w=750&q=75)
Ad by Hajj Corporation
ވޭތުވެދިޔަ ހަފުތާތަކުގައި ރައިސްގެ އިތުރުން ކޯޗު މިކޭލް އާޓެޓާ ވެސް ވަނީ އާ އެއްބަސްވުމަކާ ގުޅޭގޮތުން ވާހަކަދައްކައި، މި ޑީލް ނިމުމަކީ ވަގުތުގެ މައްސަލައެއްކަން ދޭހަވާ މޭރުމުން އިޝާރާތްކޮށްފައެވެ.
މީގެއިތުރުން، ހޯމަ ދުވަހުގެ ކުރީކޮޅު ޔޫރިއަން ޓިމްބާ ވެސް އާސެނަލްއާއެކު ދިގު މުއްދަތުގެ އެއްބަސްވުމެއް އާކުރަން ނިންމާފައިވާ ކަމަށް ވަނީ ރިޕޯޓްކޮށްފައެވެ. ކޯޗު އާޓެޓާ އަންނަނީ ޕްރިމިއާ ލީގު ކާމިޔާބުކުރި ޓީމުގެ މައިބަދަ ދެމެހެއްޓުމަށްޓަކައި މުހިންމު ކުޅުންތެރިން ކްލަބުގައި ބޭތިއްބުމަށް ބޮޑު އިސްކަމެއް ދީގެން މަސައްކަތްކުރަމުންނެވެ.

-01.jpg&w=3840&q=75)
