ފަރުމަސްވެރިކަމަށް ނިކުމެ އުޅުނު ޑިންގީއެއް ބަންޑުން ޖަހާލައި އޭގައި ދަތުރުކުރި މީހުން ކަނޑުވެފައި ތިއްބާ ސަލާމަތްކޮށްފިއެވެ.

އެމްއެންޑީއެފްއިން ބުނީ ތިން މީހުންނާ އެކު ފަރުމަސްވެރިކަން ކުރަމުންދިޔަ ޑިންގީއެއް ބަންޑުން ޖަހާލިކަމުގެ މަޢުލޫމާތު، މިއަދު ހެނދުނު 06:11 ހާއިރު ލިބިފައިވާކަމަށެވެ.

އެ ޑިންގީ ހޯދަމުން ދަނިކޮށް އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން ކުރި މަސައްކަތުން 09:32 ހާއިރު ހޯދާފައިވާކަމަށް އެމްއެންޑީއެފްއިން މައުލޫމާތުދެއެވެ.

މިއަދު ރާއްޖޭގެ އެކި ހިސާބަށް ވާރޭ ވެހުނު ނަމަވެސް އާއްމުގޮތެއްގައި މޫސުން ރަނގަޅުވާނެކަމަށް މޫސުމާ ބެހޭ އިދާރާއިން މައުލޫމާތުދެއެވެ.