ވަރަ އެކްސްޕޯ 2026ގެ ގޯލްޑް ސްޕޮންސަރަކަށް ބީއެމްއެލް
17 ނޮވެމްބަރު 2026 - 09:33

ވަރަ އެކްސްޕޯ 2026ގެ ގޯލްޑް ސްޕޮންސަރަކަށް ބޭންކް އޮފް މޯލްޑިވްސް، ބީއެމްއެލްއިން އިން ބައިވެރި ވެއްޖެއެވެ.
ޒުވާނުންނާއި ވަޒީފާ ހޯދާ ފަރާތްތަކަށް ފުރުސަތުތައް ފަހިކޮށްދިނުމުގެ މަގުސަދުގައި ބާއްވާ މި އެކްސްޕޯ ބޭއްވުމަށް ހަމަޖެހިފައިވަނީ ނޮވެމްބަރު 26 އިން 28 އަށް ހުޅުމާލޭ ސެންޓްރަލް ޕާކުގައެވެ. މި އެކްސްޕޯގެ ތެރެއިން ކެރިއަރ ކައުންސެލިންގ ސެޝަންތަކާއި، މަސައްކަތު ބައްދަލުވުންތަކުގެ އިތުރުން ދާއިރާގެ ތަޖުރިބާކާރުންނާ ގުޅުން ބަދަހިކުރުމުގެ ފުރުސަތުތައް ލިބޭނެއެވެ.
.png&w=750&q=75)
Ad by Hajj Corporation
މި އެކްސްޕޯގައި ބީއެމްއެލްގެ ފަރާތުން އެ ބޭންކުގައި ހުރި ވަޒީފާގެ ފުރުސަތުތަކާއި، އިންޓާންޝިޕް ޕްރޮގްރާމްތަކުގެ އިތުރުން މުވައްޒަފުންގެ ކުރިއެރުމަށް ހިންގާ ތަމްރީނުތަކާ ގުޅޭ މައުލޫމާތު ހިއްސާކުރާނެއެވެ. މިއީ، ޒުވާނުން ބާރުވެރި ކުރުވުމަށާއި ވަޒީފާގެ ފުރުސަތުތައް ފަހިކޮށްދިނުމަށް ބޭންކުން ދޭ އަހައްމިއްޔަތުކަން ދައްކުވައިދޭ ކަމެކެވެ.
ނޮވެމްބަރު 26 އިން 28 އަށް ހަވީރު 4:00 އިން ރޭގަނޑު 10:00 އަށް މި އެކްސްޕޯ އާންމުންނަށް ހުޅުވާލެވިފައި ވާއިރު އެންމެނަށް ހިލޭ ބައިވެރިވެވުމުގެ ފުރުސަތު ލިބޭނެކަން މިނިސްޓްރީން ވަނީ ބުނެފައެވެ.

-01.jpg&w=3840&q=75)
