ކުދިން ބޭނުންވާ ފަދަ މުސްތަގުބަލެއް ހޯދައިދިނުމުގެ އަޒުމް ރައީސް އައުކުރައްވައިފި
20 ނޮވެމްބަރު 2026 - 13:19

ދުނިޔޭގެ ކުޑަކުދިންގެ ދުވަހުގެ މުނާސަބަތުގައި، ކުޑަކުދިންގެ ހައްގުތައް ރައްކާތެރިކޮށް، އެކުދިން ބޭނުންވާ ފަދަ މުސްތަގުބަލެއް ބިނާކޮށްދިނުމަށް ސަރުކާރުން ކުރަމުންދާ މަސައްކަތްތަކުގެ އަޒުމް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އައުކުރައްވައިފިއެވެ.
މިއަހަރުގެ ކުޑަކުދިންގެ ދުވަހުގެ ޝިއާރު ކަމަށްވާ "މައި ޑޭ، މައި ރައިޓްސް، މައި ފިއުޗާ" އަށް އަލިއަޅުއްވާލައްވައި، ރައީސް މީސްމީޑިއާގައި ކުރެއްވި ޕޯސްޓެއްގައި ވިދާޅުވީ، ކުދިންގެ ދިރިއުޅުމާ ގުޅޭގޮތުން ނިންމާ ނިންމުންތަކުގައި އެކުދިންގެ އަޑު އެހުމަކީ ކޮންމެހެން މުހިންމު ކަމެއް ކަމަށެވެ. އަދި އަނިޔާއިން ރައްކާތެރިކުރުން ހަރުދަނާކުރުމާއި، އާއިލީ ވެއްޓެއްގައި ކުދިން ބަލަހައްޓާ ނިޒާމު ފުޅާކުރުމުގެ އިތުރުން ސިއްހީ ޚިދުމަތްތަކާއި އެންމެން ޝާމިލުވާ ތައުލީމީ ނިޒާމެއް ގާއިމުކުރުމަށް ރާއްޖެއިން އިސްކަންދެމުން އަންނަ ކަމަށް އެމަނިކުފާނު ފާހަގަކުރެއްވިއެވެ.
.png&w=750&q=75)
Ad by Hajj Corporation
މީގެއިތުރުން ތެރަޕީގެ ޚިދުމަތްތަކާއި، އިޖުތިމާއީ ރައްކާތެރިކަމާއި އަލުން މުޖުތަމައަށް ގެނައުމުގެ ޕްރޮގްރާމްތައް މެދުވެރިކޮށް، ކުދިންގެ ތަރައްގީގެ ކޮންމެ މަރުހަލާއެއްގައިވެސް ބޭނުންވާ އެހީތެރިކަން ފޯރުކޮށްދިނުމުގެ ސިޔާސަތުތައް ރާއްޖެއިން ކުރިއަށް ނެރެމުންދާ ކަމަށް ރައީސް ވިދާޅުވިއެވެ.
ޒަމާނަށް އަންނަ ބަދަލުތަކާއެކު ކުދިންގެ ދުޅަހެޔޮކަމަށް ކުރިމަތިވާ ނުރައްކާތަކުން ސަލާމަތްކުރުމަށް އަޅަމުންދާ ފިޔަވަޅުތަކަށް އިޝާރާތްކުރައްވަމުން ރައީސް ވިދާޅުވީ، ދުންފަތުގެ އިސްތިއުމާލުކުރުން ކޮންޓްރޯލް ކުރުމަށް ގެންނަ އިސްލާހުތަކާއި ޑިޖިޓަލް ރައްކާތެރިކަމަށް އެޅޭ ފިޔަވަޅުތަކުން ދައްކުވައިދެނީ ކުދިންގެ ރައްކާތެރިކަމަށް ސަރުކާރުން ދޭ އަހައްމިއްޔަތުކަން ކަމަށެވެ.
ރައީސް ވިދާޅުވީ، ހަގީގީ ކުރިއެރުމެއް ހޯދޭނީ ހަމައެކަނި ކުދިންނަށް ޚާއްސަކޮށްގެން ހަދާ ސިޔާސަތުތަކަކުން ނޫން ކަމަށެވެ. އޭގެ ބަދަލުގައި އެކުދިންގެ ތަޖުރިބާތަކުގެ އަޑުއަހައި، ޚިޔާލުތަކަށް އިހުތިރާމުކޮށް، އެކުދިން ވާރުތަވާން އޮތް މުސްތަގުބަލު ބިނާކުރުމުގައި އަމަލީ ގޮތުން ބައިވެރިވުމުގެ ފުރުސަތު ދޭންޖެހޭ ކަމަށް ވިދާޅުވިއެވެ. އަދި ކުދިން އެދޭ ފަދަ މުސްތަގުބަލެއް ބިނާކޮށްދިނުމަށްޓަކައި ބޭނުންވާ ހުރިހާ އެއްބާރުލުމެއް ދިނުމުގެ އަޒުމް އައުކުރުމަށްވެސް ރައީސް ވަނީ ގޮވާލައްވާފައެވެ.

-01.jpg&w=3840&q=75)
