މިރޭ 7:45 ހާއިރު ގުޅީ ފަޅު ކައިރިން 2 ލޯންޗު އެކްސިޑެންޓް ވެ 12 މީހުންނަށް އަނިޔާވެއްޖެއެވެ.

މި އެކްސިޑެންޓުގައި އެއްވެސް މީހަކަށް ސީރިއަސް އަނިޔާއެއް ލިބިފައިނުވާ ކަމަށް އައިޖީއެމްއެޗް އިން ވަނީ ބުނެފައެވެ.

Ad by Hajj Corporation

މިރޭ އެކްސިޑެންޓުވީ ފެރިދޫގައި ދަތުރުފަތުރުގެ ޙިދުމަތް ދެމުން އަންނަ ފެރިދޫ ޓުއާސް ގެ ސެނޯރާ ނަމަކަށް ކިޔާ ލޯންޗަކާއި ގްރޭންޑް ޕާކް ކޮށްދިއްޕަރު ރިސޯޓުގެ ލޯންޗެކެެވެ.

ގްރޭންޑް ޕާކް ކޮށްދިއްޕަރު ރިސޯޓުގެ ލޯންޗުގައި އެ ހާދިސާ ހިނގިއިރު ހުރި މުވައްޒަފަކު މެންދުރު ޓީވީ އަށް މައުލޫމާތު ދެމުން ބުނީ އަނެއް ލޯންޗު އައީ އެމީހުން ތިބި ލޯންޗުގެ ވާތްފަޅިން ކަމަށާއި އެ ލޯންޗު ފެނުނު އިރު އޮތީ ވަރަށް ކައިރީގައި ކަމަށެވެ. އަދި ފެރިދޫ ޓުއާސް ގެ ލޯންޗު މަސައްކަތް ކޮށްފައިވަނީ އެމީހުންގެ ވާތްފަޅިން ކުރި ކަނޑަން ކަމަށް ވެސް ގްރޭންޑް ޕާކް ކޮށްދިއްޕަރުގެ މުވައްޒަފު ވަނީ ބުނެފައެވެ.

މި ހާދިސާގައި ދެ ލޯންޗަށް ވެސް ވަނީ ބޮޑެތި ގެއްލުންތައް ލިބިފައެވެ. އެގޮތުން ފެރިދޫ ޓުއާސްގެ ލޯންުޗުގެ ކުރީކޮޅު ވަނީ ވަރަށް ބޮޑަށް ހަލާކުވެފައެވެ. އަދި ގްރޭންޑް ޕާކް ކޮށްދިއްޕަރުގެ ލޯންޗުގެ ވާތްފަޅިން މެދަށް ވަނީ ބޮޑެތި ގެއްލުންތައް ލިބިފައެވެ،

މިހާދިސާ ތަހުގީގު ކުރަމުން އަންނަ ކަމަށް ފުލުހުންގެ އިދާރާއިން ވަނީ ބުނެފައެވެ.