ރައީސްގެ ދީލަތި ހުށަހެޅުއްވުމެއް، ދޮށީ އުމުރުގެ މީހުންނަށް ލޯނު ދޫކުރާ އުމުރުގެ ލިމިޓު ބަދަލުކުރަން ހުށަހަޅުއްވައިފި
21 ނޮވެމްބަރު 2026 - 18:27

ދޮށީ އުމުރުގެ ރައްޔިތުންނަށް ލޯނު ހޯދުމުގައި ކުރިމަތިވާ ދަތިތަކަށް ހައްލެއް ހޯއްދަވައިދެއްވުމުގެ ގޮތުން، ބެންކް އޮފް މޯލްޑިވްސް (ބީއެމްއެލް) އިން ލޯނު ދޫކުރާ އުމުރުގެ ލިމިޓަށް ބަދަލު ގެނައުމަށް އެދިވަޑައިގެންފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މިހެން ވިދާޅުވީ "ރައްޔިތުންގެ އަޑު" ޕްރޮގްރާމުގައި އާންމު ރައްޔިތަކު ފާޅުކުރި ކަންބޮޑުވުމަކަށް ޖަވާބުދެއްވަމުންނެވެ. އެ ޕްރޮގްރާމުގައި ވާހަކަދެއްކި ދޮށީ އުމުރުގެ މީހަކު ފާހަގަކުރި ގޮތުގައި، ލުއި ލޯނު ލިބޭނެ މަގުތައް ފަހިކޮށްދީފައިވީ ނަމަވެސް، އުމުރުން ދުވަސްވީ މީހުންނަށް ލޯނު ނުލިބުމަކީ ދިމާވާ ބޮޑު ގޮންޖެހުމެކެވެ. ވަކިން ހާއްސަކޮށް، އަމިއްލަ ނަމުގައި ގެދޮރު އެޅުމަށް ލޯނު ބޭނުންވި ނަމަވެސް އެ ފުރުސަތު ނެތް ކަމަށާއި، ދަރިންގެ ނަމުގައި ލޯނު ނެގޭނެ މަގެއް ވެސް ނެތީ އެ ކުދިން ކިޔެވުމުގެ ލޯނާއި އެހެނިހެން މާލީ އިލްތިޒާމުތައް އަދާކުރަމުންދާތީ ކަމަށް އޭނާ ބުންޏެވެ.
.png&w=750&q=75)
Ad by Hajj Corporation
މި ކަމާ ގުޅޭގޮތުން ރައީސް ވިދާޅުވީ، ރާއްޖޭގައި މީހުން ދިރިއުޅޭ އެވްރެޖް އުމުރު ކުރިން ދަށްވި ނަމަވެސް މިހާރު އެ އަދަދު ހުރީ ގާތްގަނޑަކަށް 80 އަހަރުގައި ކަމަށެވެ. އެހެންކަމުން ބީއެމްއެލްގެ ލޯނު ދޫކުރުމުގެ މިންގަނޑެއްގެ ގޮތުގައި އޮންނަ 60 އަހަރުގެ ލިމިޓަކީ މިހާރު އެންމެ އެކަށީގެންވާ އުމުރު ކަމަށް ދެކެވަޑައިނުގަންނަވާ ކަމަށް ރައީސް ފާހަގަކުރެއްވިއެވެ.
މި ބަދަލު ގެނައުމަށްޓަކައި ބީއެމްއެލްގެ އިތުރުން މިނިސްޓްރީ އޮފް ފައިނޭންސްގައި ވެސް އެދިވަޑައިގެންފައިވާނެ ކަމަށް ރައީސް ވިދާޅުވިއެވެ.
"އަޅުގަނޑު އެދިފައި އޮންނާނީ 65 އަހަރާ ހަމައަށް ނޫނިއްޔާ އެއަށްވުރެ ވެސް މައްޗަށް އޭޖް ލިމިޓް" ބަދަލުކުރުމަށް ކަމަށް ރައީސް ވިދާޅުވިއެވެ.
މީގެ އިތުރުން، މި މައްސަލައަށް އެކަށީގެންވާ ހައްލެއް އަންނާނެ ކަމަށާއި، މިހާރު ވެސް ބައެއް ބަދަލުތައް އުސޫލުތަކަށް ގެނެސްފައި ހުރުން އެކަށީގެންވާ ކަމަށް ރައީސް ވިދާޅުވިއެވެ. އަދި ކަމާ ގުޅުންހުރި މުއައްސަސާތަކާ މަޝްވަރާކުރައްވައިގެން މިކަމަށް އަވަސް ހައްލެއް ހޯއްދަވައިދެއްވާނެ ކަމުގެ ޔަގީންކަން ވެސް ރައީސް ވަނީ ދެއްވައިފައެވެ.

-01.jpg&w=3840&q=75)
