ދިޔަމިގިލީ ސްކޫލްގެ 10 ކުލާސްރޫމް ހިމެނޭ 3 ބުރީގެ އިމާރާތް ނިންމާލައިފި
22 ނޮވެމްބަރު 2026 - 04:44

ތ. ދިޔަމިގިލީ ސްކޫލްގެ 10 ކުލާސްރޫމް ހިމެނޭ 3 ބުރީގެ އިމާރާތުގެ މަސައްކަތް ނިންމާލައިފި އެވެ.
މި އަހަރުގެ މާރިޗު 31 ވަނަ ދުވަހު މި މަސައްކަތް ކުރުމަށް ހަވާލުކޮށްފައި ވަނީ އެމްއެންޑީއެފް ސަރވިސް ކޯރގެ މިލިޓަރީ އިންޖިނިއަރސް (އެމްއީ) އާ އެވެ. ޖުމްލަ 235 ދުވަހުގެ ތެރޭގައި މި އިމާރާތް ނިންމާލުމަށް ސިފައިން ވަނީ ރެޔާއިދުވާލު ވަރަށް ގިނަ މަސައްކަތްތަކެއްކޮށްފަ އެވެ. އެގޮތުން ކުރިން ނިންމާފައި ހުރި އިމާރާތުގެ ސްޓްރަކްޗަރއަށް ލިބިފައިވާ ގެއްލުންތައް އަލުން މަރާމާތުކޮށް، އިތުރު ކޮލަމްތައް ޖަހައި ސްރަކްޗާ ވަނީ ވަރުގަދަކޮށްފަ އެވެ.
.png&w=750&q=75)
Ad by Hajj Corporation

މި މަސައްކަތްތައް ކުރިއަށްދިޔަ އިރު ފެށުނީއްސުރެ މަސައްކަތް އެއްކޮށް ނިމެންދެން ދިޔަމިގިލީ އާންމު ރައްޔިތުންގެ ފަރާތުން ވަރަށް ބޮޑު އެއްބާރުލުމާ ލިބިފައިވާ ކަމަށް އެމްއެންޑީއެފް އިން މައުލޫމާތުދެ އެވެ.

-01.jpg&w=3840&q=75)
