ކުރީގެ ރައީސުލްޖުމްހޫރިއްޔާ އަބްދުﷲ ޔާމީން އަބްދުލްޣައްޔޫމް އިސްވެ ހުންނަވައި ހިންގެވި އިންޑިއާ އައުޓް ކެމްޕެއިން ހުއްޓުވަން ނެރުނު ގަރާރު ބާތިލުކުރުމަށް އެދި ހުށަހެޅި މައްސަލަ ސިވިލްކޯޓުން ބޭރުކޮށްލައިފިއެވެ.

މައްސަލަ ބާތިލުކުރީ މައްސަލައިގެ އަޑުއެހުމަށް ރައީސް ޔާމިންގެ ފަރާތުން ހަމަޖެއްސި ވަކީލު ހާޒިރުނުވުމާއި ހާޒިރުނުވި ސަބަބު އަންގައިދޭ އެއްވެސް ލިޔުމެއްވެސް ހުށަހަޅާފައިނުވާތީކަމަށް ކޯޓުން މައުލޫމާތުދެެއެވެ.

Ad by Hajj Corporation

އެމްޑީޕީގެ ސަރުކާރުގައި ރާއްޖޭގައި ގާއިމުވެގެންތިބި އިންޑިއާ ސިފައިން ފޮނުވާލުމަށާއި އެމީހުންގެ ހަގީގަތް ހާމަކޮށްދިނުމަށް ގޮވާލައި މުޅި ރާއްޖޭގައި ރައީސް ޔާމީން އިސްވެ ހުންނަވައި ފެއްޓެވި އިންޑިއާ މިލިޓަރީ އައުޓް ހަރަކާތަކީ ރާއްޖޭގެ ގައުމީ ސަލާމަތަށް ނުރައްކާވާ ކަމެއް ކަމަށް ކަނޑައަޅުއްވައި އެ ހަރަކާތް ހުއްޓުވަން އަމުރުކޮށް އޭރުގެ ރައިީސުލްޖުމްހޫރިއްޔާ އިބްރާހިމް މުހައްމަދު ސާލިހު ވަނީ ގަރާރެއް ނެރުއްވާފައެވެ.

ރައީސް ޔާމިންގެ ފަރާތުން މައްސަލަ ކޯޓަށް ހުށަހެޅުއްވީ 2022 ވަނަ އަހަރުގެ ތެރޭގައެވެ. އެއީ ރައީސް ސާލިހު ނެރުއްވި ގަރާރަކީ ގާނުނު އަސާސީގެ ތިން މާއްދާއަކާ ހިލާފަށް ނެރުނު ގަރާރެއްކަމަށް ކަނޑައަޅައިދެއްވުން އެދިއެވެ.