ބަޔާން މިޔުނިކާއި މެއިންޒް ޖަރުމަން ޑީ.އެފް.ބީ ޕޮކާލްގެ 2 ވަނަ ބުރުގައި ބައްދަލުކުރި މެޗު 4-0 ގެ ނަތީޖާއަކުން މޮޅުވެ ބަޔާންމިޔުނިކް ޖަރުމަން ކަޕުގެ 3 ވަނަ ރައުންޑަށް ދަތުރުކޮށްފިއެވެ. މި މެޗުގައި ސީޒަނުގައި ފޯމުގައި ހުރި ޖަމާލް މުސިއާލާ ވަނީ ހެޓްރިކް ހަދާފައެވެ. މެޗު ފެށިގެން 3 ވަނަ މިނެޓުގައި މުސިއާލާ ވަނީ މައިންޒުގެ ގޯލު ފޫ އަޅުވާލާފައެވެ. އަދި ފުރަތަމަ ހާފު ނިމުމުގެ ކުރިން މުސިއާލާ ވަނީ ހެޓްރިކް ހަދާފައެވެ. މިއާއެކު މުސިއާލާ ވަނީ މި ސީޒަންގައި ކުޅުނު 11 މެޗުން 7 ގޯލާއި 4 އެސިސްޓު ހަދާފައެވެ. މުސިއާލާގެ ހެޓްރިކް ގެ އިތުރުން މި މެޗުގައި ސާނޭ ވެސް ވަނީ ގޯލެއް ޖަހާފައެވެ.

މި މެޗުގެ މޮޅުކުޅުންތެރިޔަކަށް ވެސް ހޮވިފައިވަނީ މުސިއާލާއެވެ. ޖަރުމަނުގެ އުއްމީދީ ޒުވާން ކުޅުންތެރިއާއަކީ މިހާރު ދުނިޔޭގެއި ހުރި އެންމެ މޮޅު އެއް މިޑްފީލްޑަރެވެ. އަދި އޭނާއަކީ ބަޔާން މިޔުނިކުގެ ޓީމުގައި މުހިންމު ދައުރެއް އަދާކުރަމުންގެންދާ ކުޅުންތެރިއެކެވެ. 2026 އަށް ކޮންޓްރެކްޓް ހަމަވާ މުސިއާލާގެ ކޮންޓްރެކްޓް އައުކުރުމުގެ މަސައްކަތް ބަޔާންމިޔުނިކުން އަންނަނީ ކުރަމުންނެވެ.

މި މެޗުން މޮޅުވުމާއެކު މިއީ ވޭތުވެދިޔަ 5 އަހަރުތެރޭގައި ޖަރުމަނު ކަޕުން ބަޔާން މިޔުނިކް 3 ވަނަ ބުރަށް ދިޔަ 2 ވަނަ ފަހަރުކަން ފާހަގަކޮށްލަންޖެހެއެވެ. މިދިޔަ އަހަރުގައިވެސް ބަޔާން މި މުބާރާތާ އަލްވަދާޢުކިޔަން ޖެހުނީ 3 ވަނަ ޑިވިޝަންގެ ޓީމަކާދެކޮޅަށް ކުޅެ ބަލިވެގެންނެވެ.